អន្តរជាតិ៖ នៅថ្ងៃចន្ទនេះ នាយករដ្ឋមន្ត្រីអ៊ីស្រាអែល លោកណាហ្វតាលី បេនណេត បានជួបជាមួយគណៈរដ្ឋមន្ត្រីរបស់លោក ស្របពេលដែលប្រទេសមួយនេះ រកឃើញរដ្ឋាភិបាលថ្មីរបស់ខ្លួនជាលើកដំបូង ក្នុងរយៈពេល១២ឆ្នាំ។
លោក បេនណេត ទទួលបានការគាំទ្រនៅសភា កាលពីថ្ងៃអាទិត្យ ដើម្បីបញ្ចប់តំណែងមេដឹកនាំកាន់តំណែងយូរបំផុត គឺលោក បេនចាមីន ណេតាន់យ៉ាហ៊ូ។
លោក បេនណេត អមដំណើរដោយប្រធានាធិបតីអ៊ីស្រាអែល លោករូវិន រីវលីន ហើយពួកគេទាំង២ បានជួបជាមួយគណៈរដ្ឋមន្ត្រី និងថតរូបអនុស្សាវរីយ៍នៅវិមានប្រធានាធិបតី។
ក្រោមកិច្ចព្រមព្រៀងរដ្ឋាភិបាលចម្រុះ លោក បេនណេត នឹងឡើងកាន់អំណាចរយៈពេល២ឆ្នាំដំបូង ហើយបន្ទាប់មក រដ្ឋមន្ត្រីក្រសួងការបរទេសអ៊ីស្រាអែល លោកយែ ឡាភីត ដែលស្ថាបនិកបង្កើតរដ្ឋាភិបាលចម្រុះ នឹងក្លាយជានាយករដ្ឋមន្ត្រីវិញម្តង៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
