ដោយស្ថិតព្រៃជ្រៅនៃតំបន់ភ្នំរបស់កោះស៊ីបដែលមានភាពទាក់ទាញ បានធ្វើអោយអ្នកនៅរស់រានមានជីវិតពីការការវាយប្រហារដ៏បង្ហូរឈាមពីថ្ងៃទី៧តុលា ក្នុងអំឡុងពិធីបុណ្យតន្រ្ដីក្នុងប្រទេសអ៊ីស្រាអែលនោះ មកពិភាក្សាជាមួយអ្នកព្យាបាលជងឺផ្លូវចិត្ដ ហាត់យ៉ូហ្កា គូរគំនូរ និងតាំងសមាធិនៅឯកន្លែងព្យាបាល ខណៈពួកគេបានព្យាយាយទប់ទល់នឹងមុខរបួសរបស់ពួកគេ។

អ្នកនៅរស់រានមានជីវិត ម៉ាតាន់ ម៉ាដាអាយុ២៣ឆ្នាំដែលបានបាត់បង់មិត្ដភក្តិនៅពេលដែលពួកសកម្មមប្រយុទ្ធហាម៉ាសបានសម្រុកវាយប្រហារដ៏បង្ហូរឈាមនៅកន្លែងបុណ្យណូវ៉ា និយាយថា លោកចង់បញ្ជាក់ពីអារម្មណ៍របស់លោកពោរពេញដោយភាពច្របូកច្របល់។

បុរសអ្នកជំនួញអ៊ីស្រាអែលម្នាក់ ឈ្មោះយ៉ូនី កាហាណា ដែលធ្វើប្រតិបត្ដិការព្យាបាលសុខភាព ក្នុងព្រៃដ៏ស្ងាត់នៅកោះសមុទ្រមេឌីទែរណេខាងកើតនោះ កំពុងទទួលព្យាបាលអ្នករស់រានមានជីវិតដោយមិនគិតថ្លៃ។ ដោយមានការផ្ដល់ជំនួយពីក្រុមអង្គការក្រៅរដ្ឋាភិបាលអ៊ីស្រាអែលឬNGO ដែលជាជំនួយរបស់ប្រទេសអ៊ីស្រាអែលឬ IsraAID ដូច្នេះ ការព្យាបាលក្នុងតំបន់ភ្នំពីលើក្រុងPapho (ប៉ាហ្វូ) បានធ្វើអោយនឹងនចិត្ដរបស់អ្នករស់រានមានជីវិតដែលកំពុងស្វែងរកការលួងលោមនោះ។

លោកបាននិយាយថា ជនជាតិអ៊ីស្រាអែលជាង១.៨០០នាក់ បានចុះហត្ថលេខាលើកម្មវិធីមួយដែលរួមមាន រដូវកាលយ៉ូហ្កា និងរដូវព្យាបាល ការធ្វើដំណើរផ្លូវឆ្ងាយ ហើយនិងការតាំងសមាធិដែលត្រូវបានត្រួតពិនិត្យដោយអ្នកព្យាបាលស្ម័គចិត្ដ២០នាក់។

លោកឌ័រ រ៉ាហាមីម(Dor Rahamim) អាយុ២៨ឆ្នាំ បាននិយាយថា លោកមានអារម្មណ៍ភ័យខ្លាចគ្រប់ពេល ហើយគ្រាន់តែចង់អោយស្ងប់អារម្មណ៍ប៉ុណ្ណោះ ។ដូច្នេះ ការព្យាបាលនេះ លោកនិយាយថា គឺជាភាពស្ងប់ស្ងាត់ ជាមួយនឹងការបន្ធូរកំហឹង ខណៈលោកបិទរូបភាពរួមគ្នាជាមួយនឹងស្នាដៃសិល្បៈ

របស់លោក៕