តាមរយៈការបង្ហោះនៅលើគេហទំព័ររបស់ខ្លួន អង្គការ NASA បានឲ្យដឹងថា យានអវកាសដឹកទំនិញ Progress 86 របស់រុស្សី ដែលមិនមានអវកាសយានិក ត្រូវបានបង្ហោះដោយជោគជ័យ នៅថ្ងៃសុក្រ (ទី១ ខែធ្នូ) នេះ ពីកន្លែងបាញ់បង្ហោះ Baikonur Cosmodrome ក្នុងប្រទេសកាហ្សាក់ស្ថាន ដើម្បីចាប់ផ្តើមការធ្វើដំណើរតាមគន្លងតារាវិថី 34 ទៅកាន់ស្ថានីយអវកាសអន្តរជាតិ (ISS)។

យានដឹកសម្ភារផ្គត់ផ្គង់ បានឆ្លងកាត់ដំណាក់កាលជាច្រើនដូចដែលបានគ្រោងទុកនៅលើផ្លូវហោះឡើងលម្ហអាកាស និងដាក់ពង្រាយប្រព័ន្ធសូឡា និងអង់តែនរុករកតាមពេលវេលា។

អង្គការ NASA បានបញ្ជាក់បន្ថែមថា យាន Progress 86 នឹងផ្ដល់នូវអាហារ ប្រេងឥន្ធនៈ និងសម្ភារផ្គត់ផ្គង់ផ្សេងៗប្រមាណជិត ៣តោន នៅពេលដែលយាននេះចូលចតនៅស្ថានីយអវកាស នាថ្ងៃអាទិត្យនេះ៕