កងកម្លាំងហ្វីលីពីនបានប្រកាសអាសន្នក្នុងកម្រិតខ្ពស់នៅថ្ងៃអាទិត្យនេះ បន្ទាប់​ពី​កា​រ​បំផ្ទុះ​គ្រាប់​បែក​មួយ​គ្រាប់បានសម្លាប់មនុស្ស ៤នាក់ និងជាច្រើននាក់ទៀតរងរបួស អំឡុងពិធីបុណ្យ​សានា​កាតូលិក​នៅ​ក្នុងមជ្ឈមណ្ឌលហាត់ប្រាណនៅសាកលវិទ្យាល័យមួយនៅភាគខាងត្បូងប្រទេសនេះ ជា​ការវាយប្រហារមួយដែលក្រុមអាជ្ញាធរហៅថាអំពើភេរវកម្មអ៊ីស្លាមជ្រុលនិយម។  

លោក​ប្រធានាធិបតីហ្វើឌីណាន ម៉ាកូសជូនៀ(Ferdinand Marcos Jr) បានិយាយថា លោក​ថ្កោល​ទោស​យ៉ាងដាច់អហង្ការបំផុតចំពោះអំពើឥតន័យ និងសាហាវ​បំផុត​ដែល​ប្រព្រឹត្ត​ដោយ​ក្រុម​ភេរវករ​បរទេស ជាពួកជ្រុលនិយមដែលប្រើអំពើហិង្សាលើជនស្លូតត្រង់ នឹង​តែង​តែ​ត្រូវ​បាន​ចាត់​ទុក​ថា​ជា​សត្រូវចំពោះសង្គមរបស់យើង ។ 

ការបំផ្ទុះនៅទីក្រុង ម៉ារ៉ាវី (Marawi) ជាទីក្រុងដែលឡោមព័ទ្ធដោយក្រុមសកម្មប្រយុទ្ធ គាំទ្រ​រដ្ឋ​អ៊ីស្លាម​អស់រយៈពេល៥កាលពីឆ្នាំ ២០១៧ បន្ទាប់ពីការសម្លាប់ក្រុមអ្នកប្រយុទ្ធ១១ នាក់នៅ​ក្នុង​ប្រតិបត្តិការ​យោធាកាលពីថ្ងៃសុក្រនៅខេត្ត ម៉ាហ្គីនដាណាវ ឌេល សួរ (Maguindanao del Sur)​ចម្ងាយប្រហែល ២០០ គីឡូម៉ែត្រ ។

ដោយ​ជំរុញឱ្យមានភាពស្ងប់ស្ងាត់ លោក Marcos បានបង្ហោះនៅលើប្រព័ន្ធផ្សព្វផ្សាយសង្គម X ថា​លោក​បានណែនាំនគរបាល និងកងកម្លាំងប្រដាប់អាវុធ ធានាការការពារ និងរក្សា​សុវត្ថិភាព​ជន​ស៊ីវិល និងសន្តិសុខនៃសហគមន៍ដែលរងផលប៉ះពាល់ និងងាយរងគ្រោះ។ 

យើង​ត្រូវ​តែធានាថា យើងនឹងនាំ​ក្រុម​ជន​ល្មើស​ប្រព្រឹត្ត​អំពើ​ឃោរ​ឃៅ​នេះ​មក​កាត់​ទោស​ឲ្យ​ទាល់​តែ​បាន​។ ឧត្តមសេនីយទោ ហ្កាប្រ៊ីលវីរ៉េ ៣ (Gabriel Viray III) បានហៅការ​វាយ​ប្រហារ​នៅ​សាកល​វិទ្យាល័យរដ្ឋ Mindanao ថាជា អំពើភេរវកម្ម ដោយនិយាយទៅកាន់អ្នកសារព័ត៌មានថា អ្នក​ជំនាញការកំចាត់គ្រឿងផ្ទុះត្រូវបានដាក់ពង្រាយរួចរាល់ហើយ៕