រដ្ឋអាជ្ញាបារាំង បាននិយាយកាលពីថ្ងៃអាទិត្យថា បុរសវ័យ ២៦ឆ្នាំម្នាក់ ដែលត្រូវបានចាប់ខ្លួន ក្រោយចាក់សម្លាប់ភ្ញៀវទេសចរអាល្លឺម៉ង់ម្នាក់នៅទីក្រុងប៉ារីសកាលពីថ្ងៃសៅរ៍ បានសន្យាភក្តីភាពចំពោះក្រុមរដ្ឋអ៊ីស្លាម ។ 

 លោក Jean-Francois Ricard គឺជារដ្ឋអាជ្ញាប្រឆំាងអំពើភេរវកម្ម បាននិយាយប្រាប់សារព័ត៌មានថា បុរសស្លាប់ដែលមានសញ្ជាតិហ្វីលីពីនដែរនោះ បានរងការវាយប្រហារនៅជិតប៉មតួអេហ្វែល ហើយមនុស្ស ២នាក់ផ្សេងទៀត បានរងរបួសផងដែរ ដោយសារញញួរ ក្រោយជនវាយប្រហាររត់គេចចេញពីកន្លែងកើតហេតុ ។

 លោកនិយាយថា ជនវាយប្រហារម្នាក់នេះ បានសន្យាភក្តីភាពចំពោះក្រុមរដ្ឋអ៊ីស្លាមនៅក្នុងវីដេអូមួយដែលបានបញ្ចេញនៅលើបណ្តាញព័ត៌មានសង្គម ។ 

 លោកថា ជនល្មើបានថតវីដេអូមុនពេលប្រព្រឹត្តបទឧក្រិដ្ឋមួយនេះ ។ នៅក្នុងវីដេអូនិយាយជាភាសាអារ៉ាប់ គាត់បានណែនាំខ្លួនឯងថាជា Abu Tala al-Khurasani ដែលសំដៅលើអង្គការភេរវកម្មរដ្ឋអ៊ីស្លាម បច្ចុប្បន្នកំពុងប្រតិបត្តិការចេញពីប្រទេសអាហ្វហ្គានីស្ថាន ។ អំឡុងវីដេអូនេះដែរ លោកសន្យាភក្តីភាពចំពោះក្រុមរដ្ឋអ៊ីស្លាម ។

 លោក Ricard និយាយទៀតថា បុរសម្នាក់នេះ ត្រូវបានចាប់ខ្លួនដោយក្រុមនគរបាល ហើយគាត់ត្រូវបានគេស៊ើបអង្កេតសម្រាប់បទល្មើសពាក់ព័ន្ធនឹងអំពើភេរវកម្ម ៕