ប្រជាពលរដ្ឋនៅទីក្រុងប្រាក ប្រទេសឆេក បានជួបជុំគ្នានៅលើទីលានចតុរង្គ Old Town របស់ទីក្រុងមួយនេះ ដើម្បីមើលដើមណូអែល ដែលត្រូវបានបើកភ្លើងបំភ្លឺ ហើយសប្បាយរីករាលនឹងបរិយាកាសនារដូវបុណ្យទានមួយនេះ ។

 នាង Olena Dobrovolska គឺជានិស្សិតវ័យ ១៧ឆ្នាំមួយរូបរបស់ឆេក និយាយថា នាងរំភើបចិត្តខ្លាំងណាស់ចំពោះពិធីបុណ្យអូណែល ហើយនិងការចំណាយពេលវេលាជាមួយគ្រួសាររបស់នាង ។

 នាងបន្តថា នាងពិតជាទន្ទឹងរង់ចាំពិតមែនពិធីបុណ្យណូអែល ជួបជាមួយគ្រួសាររបស់នាង ។ នាងទន្ទឹងរង់ចាំការមើលដើមណូអែល ទទួលទានអាហារឆ្ងាញ់ៗ ។ នេះគឺជាអ្វីៗគ្រប់បែបយ៉ាងដែលនាងទន្ទឹងរង់ចាំ ។ 

 សម្រាប់ការតុបតែងដើមណូអែលកម្ពស់ជាង ២០ម៉ែត្រនេះដែរ អ្នកមើលម្នាក់និយាយថា វាធំបន្តិចមែន ប៉ុន្តែវាសមជាដើមអូណែល ដែលនាំមកពីភ្នំនៅតំបន់ភាគខាងជើងប្រទេស ។

 សូមបញ្ជាក់ថា ដើមណូអែលនេះ នឹងត្រូវបើកភ្លើងបំភ្លឺជារៀងរាល់ថ្ងៃរាល់រយៈពេលកន្លះម៉ោងម្តង ចាប់ពីម៉ោង ៤ និង ៣០នាទីល្ងាច ដល់ម៉ោង ៩ និង ៣០នាទីយប់ រហូតដល់ចាប់ពិធីបុណ្យអូណែល ៕