ក្នុងពិធីប្រកាសដាក់ឱ្យអនុវត្តជាផ្លូវការ«គោលការណ៍ណែនាំស្ដីពីក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ និងគោលការណ៍​ណែនាំ​ស្ដីពី​ក្រប​ខណ្ឌ​កិច្ចគាំពារ​សង្គម​ឆ្លើយ​តប​នឹង​គ្រោះ​អាសន្ន​» នាថ្ងៃទី៥ ខែធ្នូ ឆ្នាំ២០២៣ រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ជា សុមេធី បានឱ្យដឹងថា កម្មវិធីផ្ដល់​ជំនួយ​ជា​ថវិកា​ដើម្បី​ជួយ​ដល់​ពលរ​ដ្ឋដែលរ​ង​ផល​ប៉ះពា​ល់​ជីវភាព ដោយ សារវិបត្តិកូវីដ-១៩ នឹងត្រូវបញ្ចប់នៅដំណាច់ខែមីនា ឆ្នាំ២០២៤ ខាង​មុខ​នេះ​។

មានប្រសាសន៍ក្នុងពិធីប្រកាសដាក់ឱ្យអនុវត្តជាផ្លូវការនូវ«គោលការណ៍ណែនាំស្ដីពីក្របខណ្ឌកម្មវិធី​ជាតិ​ជំនួយសង្គមក្នុងកញ្ចប់គ្រួសារ និង​គោល​ការណ៍​ណែនាំ​ស្ដីពី​ក្រប​ខណ្ឌ​កិច្ច​គាំពារ​សង្គម​ឆ្លើយ​តប​នឹ​ងគ្រោះអាសន្ន»នៅថ្ងៃនេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បាន​បញ្ជាក់ច្បាស់ៗថា ទោះកម្មវិធីជំនួយសង្គមមួយចំនួនត្រូវបិទបញ្ចប់ក្ដី ក៏រាជរដ្ឋាភិបាល​នៅ​តែប​ន្ត​ជួយដល់ពលរដ្ឋ ដែលរងគ្រោះដោយវិបត្តិនានាជាដដែល តាមរយៈ​ការ​ដាក់​ចេញ​នូវ​កម្ម​វិធី​ជាតិ​ជំនួយ​សង្គមនានា។

អំឡុងពិភពលោកប្រឈមនឹងវិបត្តិនានា រាជរដ្ឋាភិបាលកម្ពុជា បានចំណាយថវិកា ដើម្បី​ឧបត្ថម្ភ​សាច់ប្រាក់​ជូនពលរដ្ឋក្រីក្រដើម្បីលំនឹងជីវភាពប្រចាំថ្ងៃចាប់ពីខែមិថុនា ឆ្នាំ២០២០ ដល់ថ្ងៃទី២៤ ខែមិថុនា ឆ្នាំ២០២៣ បានចំនួន ១៥ ជុំ ស្មើនឹង ៤០ លើក និង​ចំណាយ​ថវិកា​អ​ស់​ជាង​មួយ​ពាន់​លាន​ដុល្លារ៕ ដោយ៖ គង់ ឌិន