កាលពីថ្ងៃចន្ទម្សិលមិញ គុយបា និងអ៊ីរ៉ង់ បានចុះហត្ថលេខាលើកិច្ចព្រមព្រៀងទ្វេភាគីជាច្រើន នៅក្នុងទីក្រុងតេអេរ៉ង់ អំឡុងជំនួបរវាងលោកប្រធានាធិបតី Miguel Diaz-Canel និងប្រធានាធិបតីអ៊ីរ៉ង់លោក Ebrahim Raisi ។ 

ឯកសារ និងកិច្ចព្រមព្រៀងសរុបចំនួន ៧ សម្រាប់ការធ្វើឲ្យល្អប្រសើរឡើងកិច្ចសហប្រតិបត្តិការទ្វេភាគី ត្រូវបានចុះហត្ថលេខា ។

ក្រោយពិធីចុះហត្ថលេខាលើកិច្ចព្រមព្រៀង លោក Diaz-Canel បានថ្កោលទោសផងដែរនូវអ្វីដែលលោកចាត់ទុកថាជាអំពើប្រល័យពូជសាសន៍លើជនប៉ាឡេស្ទីនដោយអ៊ីស្រាអែល ដោយលោកបានទាមទារឲ្យមានបទឈប់បាញ់ជាបន្ទាន់ ហើយលក្ខខណ្ឌបង្កើតរដ្ឋប៉ាឡេស្ទី ត្រូវតែសម្របសម្រួល ។

ដោយឡែក លោក Raisi បាននិយយាដែរថា សម្រាប់ដំណើរទស្សនកិច្ចរបស់ប្រធានាធិបតីគុយបាមកកាន់អ៊ីរ៉ង់ ដែលជាដំណើរទស្សនកិច្ចក្រោយរយៈពេល ២១ឆ្នាំ វាគឺជាដំណើរទស្សនកិច្ចដ៏សំខាន់មួយ ហើយពួកយើងចាត់ទុកវាជាចំណុចផ្លាស់ប្តូរនៅក្នុងកំណើនទំនាក់ទំនងទ្វេភាគីរវាងប្រជាពលរដ្ឋបងប្អូនអ៊ីរ៉ង់ និងគុយបា ។

គួរឲ្យដឹងថា គុយបា បានស្ថិតក្រោមទណ្ឌកម្មសេដ្ឋកិច្ចរបស់សហរដ្ឋអាមេរិក ចាប់តាំងពីឆ្នាំ ១៩៦២រហូតមក ហើយដូចគ្នានឹងអ៊ីរ៉ង់ដែរ បានក្លាយជាកម្មវត្ថុនៃទណ្ឌកម្មរបស់សហរដ្ឋអាមេរិក ៕