មន្ត្រីប្រទេសនេប៉ាល់និយាយថា ខ្លួនបានស្នើឲ្យទីក្រុងមូស្គូ កុំជ្រើសរើសពលរដ្ឋរបស់ខ្លួនឲ្យធ្វើជាទាហារុស្ស៊ី និងឲ្យបញ្ជូនត្រឡប់មកវិញភ្លាមៗទាហាននេប៉ាល់ដែលត្រូវបានអនុញ្ញាតឲ្យនៅទីនោះ ដើម្បីឲ្យត្រឡប់មកប្រទេសតំបន់ភ្នំហិម៉ាឡៃវិញបន្ទាប់ពីបង្ហាញថាទាហាន៦នាក់ ដែលបម្រើជាយោធារុស្ស៊ី ត្រូវបានសម្លាប់។ ទាហាននេប៉ាល់ ដែលគេហៅថា Gurkhas ត្រូវបានគេស្គាល់សម្រាប់ភាពក្លាហាន និងជំនាញប្រយុទ្ធរបស់ពួកគេ ហើយកំពុងបម្រើជាកងទ័ពអង់គ្លេស និងឥណ្ឌា បន្ទាប់ពីឯករាជ្យភាពរបស់ឥណ្ឌា ក្នុងឆ្នាំ១៩៤៧ ក្រោមកិច្ចព្រមព្រៀងមួយរវាងប្រទេសទាំងបី។

ប្រទេសតំបន់ភ្នំហិម៉ាឡៃតូចមួយនេះ ស្ថិតនៅចន្លោះរវាងប្រទេសចិន និងឥណ្ឌា ហើយគ្មានកិច្ចព្រមព្រៀងបែបនេះជាមួយប្រទេសរុស្ស៊ីនោះទេជាប្រទេសដែលបានឈ្លានពានប្រទេសជិតខាងអ៊ុយក្រែនកាលពីខែកុម្ភះ ឆ្នាំ២០២២ និងបានជាប់ក្នុងសង្គ្រាមចាប់តាំងពីពេលនោះមក។

រដ្ឋាភិបាលនេប៉ាល់ បាននិយាយនៅក្នុងសេចក្តីថ្លែងការណ៍ថា ពលរដ្ឋរបស់ខ្លួន៦នាក់ ដែលបានបម្រើជាកងទ័ពរុស្ស៊ី បានស្លាប់ ប៉ុន្តែពុំបានផ្តល់ព័ត៌មានលម្អិតនោះទេ។ ក្រសួងការបរទេសបាននិយាយកាលពីល្ងាចថ្ងៃចន្ទថា រដ្ឋាភិបាលនេប៉ាល់ បានស្នើឲ្យរដ្ឋាភិបាលរុស្ស៊ី បញ្ជូនត្រឡប់មកវិញភ្លាមៗសាកសពរបស់ទាហានដែលបានស្លាប់ និងបង់សំណងដល់ក្រុមគ្រួសាររបស់ពួកគេ។

ប្រជាជននេប៉ាល់រាប់លាននាក់ ត្រូវបានជួលក្នុងការងារស៊ីវិល ភាគច្រើនជាកម្មករនៅការដ្ឋានសំណង់ និងឧស្សាហកម្ម នៅក្នុងប្រទេសកូរ៉េខាងត្បូង ម៉ាឡេស៊ី និងនៅមជ្ឈិមបូព៌ា។