ប្រជាពលរដ្ឋ និងនិស្សិតខ្មែរកំពុងរស់នៅ និងធ្វើការ នៅប្រទេសជប៉ុន ប្រកាសគាំទ្រ និងស្វាគមន៍​ដំណើរ​ទស្សនកិច្ចរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង​លោក​ជំទាវ​បណ្ឌិត ពេជ ចន្ទមុន្នី ដឹកនាំប្រតិភូកម្ពុជា អញ្ជើញទៅចូលរួម​កិច្ច​ប្រជុំ​កំពូល​រំព្ញក​ខួប​អនុស្សាវរីយ៍​អាស៊ាន-ជប៉ុនសម្រាប់ឆ្នាំទី៥០ នៃមិត្តភាព និងកិច្ចសហប្រតិបត្តិការ អាស៊ាន-ជប៉ុន នៅ​ក្នុងទីក្រុងតូក្យូប្រទេសជប៉ុននាពាក់កណ្តាលខែធ្នូខាងមុខនេះ។

មុនដំណើរទស្សនកិច្ចនេះប្រជាពលរដ្ឋ ពលករ និងនិស្សិតខ្មែរកំពុងរស់នៅ និងធ្វើការនៅ ខេត្តហ៊ីរ៉ូស៊ីម៉ា ខេត្តមីយ៉ាហ្គិ ប្រទេសជប៉ុន បានប្រកាសគាំទ្រ និង​ស្វាគមន៍​ដំណើរ​ទស្សនកិច្ច​របស់​សម្តេចធិបតី​នាយករដ្ឋមន្ត្រី និងលោកជំទាវបណ្ឌិត ចំពោះការដឹកនាំ​ប្រតិភូ​កម្ពុជា​អញ្ជើញ​ទៅ​ចូលរួម​កិច្ច​នេះ។

ជាមួយគ្នានេះ កម្មសិក្សាការី និងនិស្សិតខ្មែរដែលកំពុងស្នាក់នៅ និងធ្វើការនៅទីក្រុងតូក្យូ ខេត្តណាហ្កូយ៉ា ប្រទេសជប៉ុនក៏បានប្រកាសគាំទ្រ និង​ស្វាគមន៍​ដំណើរ​ទស្សន​កិច្ច​របស់​សម្តេចធិបតី និងលោកជំទាវបណ្ឌិត ពេជ ចន្ទមុន្នី ចំពោះ​ការ​ដឹកនាំ​ប្រតិភូ​កម្ពុជា​អញ្ជើញ​ទៅ​ចូល​រួម​កិច្ច​នាពាក់កណ្តាលខែធ្នូខាងមុខនេះផងដែរ។

សូមជម្រាបថាសម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងលោកជំទាវបណ្ឌិត ពេជ ចន្ទមុន្នី នឹងដឹកនាំគណៈប្រតិភូកម្ពុជាអញ្ជើញបំពេញទស្សនកិច្ចផ្លូវការនៅទីក្រុងតូក្យូ ប្រទេស​ជប៉ុន ដើម្បីចូលរួមកិច្ចប្រជុំកំពូលរំព្ញកខួបអនុស្សាវរីយ៍អាស៊ាន-ជប៉ុន ដើម្បីអបអរសាទរខួប ៥០ ឆ្នាំ​នៃ​មិត្តភាព និងកិច្ចសហប្រតិបត្តិការ អាស៊ាន-ជប៉ុន ចាប់ពីថ្ងៃទី ១៥ ដល់ ១៩ ខែធ្នូ ឆ្នាំ​២០២៣​នេះខាងមុខនេះ៕ អត្ថបទ៖វ៉ន ដារ៉ា និងនិស្សិតខ្មែរនៅប្រទេសជប៉ុន+រូបឯកសារសម្ដេចបំពេញទស្សនៈកិច្ចនៅអាមេរិក។