រដ្ឋបាលលោកបៃដិន កាលពីថ្ងៃអង្គារ បានប្រកាសថា ខ្លួនកំពុងហាមឃាត់អ្នកតាំងលំនៅជនជាតិជ្វីហ្វ       អ៊ីស្រាអែលរាប់សិបនាក់ មិនឲ្យធ្វើដំណើរទៅកាន់សហរដ្ឋអាមេរិក ដោយសារតែជាប់ពាក់ព័ន្ធក្នុងការវាយប្រហារយ៉ាងឃោរឃៅលើជនជាតិប៉ាឡេស្ទីននៅតំបន់វេសបែងដែលគ្រប់គ្រងដោយអ៊ីស្រាអែល ក្នុងគោលបំណងបណ្តេញប្រជាជនចេញពីផ្ទះរបស់ពួកគេ និងដកហូតទឹកដីរបស់ពួកគេ។

មន្ត្រីអាមេរិក បាននិយាយថា អ្នកតាំងទីលំនៅជ្រុលនិយមដែលត្រូវសង្ស័យពីអំពើហិង្សាមានទិដ្ឋាការអាមេរិករួចហើយ នឹងរកឃើញថា ពួកវានឹងត្រូវលុបចោល ហើយរាល់ការដាក់ពាក្យសុំទិដ្ឋាការឥឡូវនេះ នឹងត្រូវបដិសេធ។ វិធានការនេះ គឺការដាក់ទណ្ឌកម្មៈ អ្នកតាំងលំនៅជាច្រើនមានគ្រួសារនៅសហរដ្ឋអាមេរិក ហើយមានតម្លៃខ្ពស់ក្នុងការមានទិដ្ឋាការសម្រាប់ការធ្វើដំណើរ នៅទីនោះ។

លោករដ្ឋមន្ត្រីការបរទេស អង់តូនី ប្ល៊ីនខិន ( Antony J. Blinken) បាននិយាយនៅក្នុងសេចក្តីប្រកាសកាលពីថ្ងៃអង្គារថា ការវាយប្រហាររបស់អ្នកតាំងលំនៅ គឺមិនអាចទទួលយកបានទេ។

លោកប្ល៊ីនខិន បាននិយាយនៅក្នុងសេចក្តីថ្លែងការណ៍មួយថា៖«យើងបានបញ្ជាក់ដល់រដ្ឋាភិបាលអ៊ីស្រា  អែលនូវតម្រូវការក្នុងការធ្វើបន្ថែមទៀត ដើម្បីទទួលខុសត្រូវចំពោះអ្នកតាំងទីលំនៅជ្រុលនិយម ដែលបានធ្វើការវាយប្រហារដោយហិង្សាលើប៉ាឡេស្ទីន នៅតំបន់វេសបែង»។