នគរបាលក្រុងឡុងដ្រ៍របស់ប្រទេសងង់គ្លេស បានឲ្យដឹងថា ការស៊ើបអង្កេតករណីឃាតកម្ម កំពុងដំណើរការ នៅក្នុងរដ្ឋធានីរបស់ប្រទេសនេះ នាថ្ងៃពុធ (ទី៦ ខែធ្នូ) បន្ទាប់ពីស្ត្រីម្នាក់ ត្រូវបានសម្លាប់ និង ២នាក់ផ្សេងទៀត បានរងរបួសនៅក្នុងហេតុការបាញ់ប្រហារ កាលពីល្ងាច នៅថ្ងៃមុននោះ។

នគរបាលនៅកន្លែងកើតហេតុខាងក្រៅលំនៅឋានមួយ ក្នុងសង្កាត់ Hackney របស់ទីក្រុងឡុងដ្រ៍ ជាកន្លែង ដែលជនរងគ្រោះត្រូវបានបាញ់ដោយកាំភ្លើងចំនួន ៣នាក់ ត្រូវបានប្រទះឃើញ កាលពីល្ងាចថ្ងៃអង្គារ (ទី៥ ខែធ្នូ)។

នគរបាលបាននិយាយថា ស្ត្រីម្នាក់ត្រូវបានសម្លាប់ ហើយមនុស្ស ២នាក់ទៀត ជាបុរសអាយុ ២០ឆ្នាំ និងក្មេងប្រុសអាយុ ១៦ឆ្នាំម្នាក់ ត្រូវបានបញ្ជូនទៅមន្ទីរពេទ្យ ដែលស្ថានភាពរបស់ពួកគេ កំពុងត្រូវបានវាយតម្លៃ។ សូមបញ្ជាក់ថា អំពើហិង្សាដោយកាំភ្លើង គឺកម្រកើតឡើងណាស់នៅចក្រភពអង់គ្លេស ដែលមានច្បាប់គ្រប់គ្រងកាំភ្លើងយ៉ាងតឹងរ៉ឹង៕