កិច្ចពិភាក្សាដេញដោលតំណែងប្រធានាធិបតីរបស់គណបក្សសាធារណរដ្ឋលើកទី៤ បានបើក និងបិទដោយមានការប៉ះទង្គិចរឿងផ្ទាល់ខ្លួនយ៉ាងខ្លាំង ខណៈបេក្ខជនទាំងបួនរូបនៅលើឆាក បានបញ្ជាក់រឿងរបស់ពួកគេដើម្បីជាជម្រើសដែលអាចសម្រេចបានចំពោះលោក Donald Trump ជាអ្នកដឹកនាំ នាំមុខ។ ការប្រជែងគ្នាខ្លាំង បានផ្ទុះឡើងនៅពេលដំបូងនៃកិច្ចពិភាក្សាដេញដោលកាលពីយប់ថ្ងៃពុធ ដោយលោក Ron DeSantis អភិបាលរដ្ឋ Florida បានចាប់ផ្តើមនិយាយទៅលើលោកស្រី Nikki Haley អតីតអភិបាលរដ្ឋ South Carolina និងជាអតីតឯកអគ្គរដ្ឋទូតប្រចាំអង្គការសហប្រជាជាតិ ខណៈលោកស្រីចាប់សម្តីលោកក្នុងការប្រជែងគ្នាកាន់តែខ្លាំងឡើងសម្រាប់តំណែងទីពីរ។ សហគ្រិន លោក Vivek Ramaswamy បានចូលរួមក្នុងជម្លោះនេះដោយចូលក្រុមជាមួយលោក DeSantis ដើម្បីនិយាយវាយប្រហារ លោកស្រី Haley ដោយចោទប្រកាន់លោកស្រីពីបទដណ្តើមយកផលប្រយោជន៍សាជីវកម្មនិង ហ្វាស៊ីសនិយមច្រើនជាងលោក Joe Biden ។ លោកស្រី Haley ដែលបេក្ខភាពរបស់លោកស្រីទទួលបានសន្ទុះខ្លាំងក្នុងប៉ុន្មានសប្តាហ៍ថ្មីៗនេះ និយាយថា លោកស្រី ពេញចិត្តការចាប់អារម្មណ៍ទាំងអស់ អរគុណចំពោះរឿងនេះ ។ ចំពោះការរិះគន់របស់ម្ចាស់ជំនួយសាជីវកម្មរបស់លោកស្រី លោកស្រីនិយាយថា ពួកគេគ្រាន់តែច្រណែនប៉ុណ្ណោះ។ លោក Chris Christie អតីតអភិបាលរដ្ឋ New Jersey បានធ្វើឲ្យអស់សំណើចខ្លាំង នៅពេលលោកបាននិយាយវាយប្រហារលោក Ramaswamy ថាជា «មនុស្សអំនួតគួរឱ្យស្អប់ខ្ពើមនៅអាមេរិក» ។ លោកក៏បានឡើងការពារលោកស្រី Haley ដោយប្រាប់លោក Ramaswamy ថាលោកស្រីជា «ស្ត្រីដែលឆ្លាត និងមានជំនាញល្អ ហើយអ្នកគួរតែបញ្ឈប់ការប្រមាថលើលោកស្រី។ លោក Ramaswamy បាននិយាយវាយប្រហារតបវិញថា លោក Christie គួរតែ «ទៅនរក ចេញពីវេទិកានេះ» ។ លោក Trump ដែលលោក Christie បានចំអកថាជា «ជនផ្តាច់ការ» និងជាមនុស្សចូលចិត្ត«គំរាមកំហែងគេ» ពុំមានភាពក្លាហានក្នុងការបង្ហាញខ្លួន ក្នុងកិច្ចពិភាក្សាដេញដោលនោះទេ ដែលបានចំណាយពេលល្ងាចនៅក្នុងកម្មវិធីរៃអង្គាសប្រាក់នៅរដ្ឋ Florida ។