ក្រុមអ្នកស្ម័គ្រចិត្ដ បានដើរលុយទឹកដែលនៅនឹងថ្កល់មិនហូរទៅណា ដើម្បីទៅចែកចាយអាហារ និងគ្រឿងផ្គត់ផ្គង់ផ្សេងៗ ហើយរោងចក្រផលិតមួយចំនួន នៅតែបិទក្នុងតំបន់មជ្ឈមណ្ឌលបច្ចេកវិទ្យា និងស្វ័យប្រវត្តិនៃទីក្រុង Chennai ភាគខាងត្បូងប្រទេសឥណ្ឌា នាថ្ងៃសុក្រ (ទី៨ ខែធ្នូ) នេះ ពោលគឺមានរយៈពេល ៤ថ្ងៃ បន្ទាប់ពីព្យុះស៊ីក្លូន Michaung បានបោកបក់ឆ្នេរសមុទ្រ។

យ៉ាងហោចណាស់មនុស្ស ១៤នាក់ ដែលភាគច្រើន នៅក្នុងទីក្រុង Chennai និងរដ្ឋ Tamil Nadu របស់ទីក្រុងនេះ បានស្លាប់នៅក្នុងទឹកជំនន់ ដែលបង្កឡើងដោយភ្លៀងធ្លាក់ខ្លាំង ដែលបានចាប់ផ្តើមកាលពីថ្ងៃចន្ទដើមសប្ដាហ៍នេះ។ ព្យុះស៊ីក្លូននេះបានបោកបក់ទៅដល់ដីគោកបន្ថែមទៀត នៅភាគខាងជើង ក្នុងរដ្ឋ Andhra Pradesh កាលពីរសៀលថ្ងៃអង្គារ។

អាជ្ញាធរបាននិយាយថា តំបន់ទំនាបមួយចំនួននៃរដ្ឋនៅតែត្រូវជន់លិច ហើយមន្ត្រីរដ្ឋាភិបាល និងអ្នកស្ម័គ្រចិត្ត កំពុងយកគ្រឿងផ្គត់ផ្គង់ទៅចែកជូនដល់ប្រជាជន ដែលជាប់នៅតែក្នុងផ្ទះសម្បែងរបស់ពួកគេ នៅឯតំបន់មិនរៀបរយ និងតំបន់ផ្សេងទៀត។

គួរបញ្ជាក់ថា តំបន់ Chennai ដ៏ធំជាងនេះ គឺជាកន្លែងរបស់បណ្ដាអង្គភាពឥណ្ឌានៃក្រុមហ៊ុនសកលជាច្រើន ក្នុងនោះរួមមានក្រុមហ៊ុនយានយន្ត Hyundai Motor របស់កូរ៉េខាងត្បូង ក្រុមហ៊ុនយានយន្ត Daimler របស់អាល្លឺម៉ង់ និងក្រុមហ៊ុនរបស់កោះតៃវ៉ាន់ Foxconn និង Pegatron ដែលជាក្រុមហ៊ុនផ្គត់ផ្គង់របស់ក្រុមហ៊ុន Apple៕