លោក Mohammed Hammami គឺជាប្រជាកសិករមួយរូបរបស់ទុយនីស៊ី កាន់ផ្លែទទឹមស្ងួតនៅដៃរបស់លោក ខណៈឈរនៅក្នុងកសិដ្ឋានរងគ្រោះដោយសារគ្រោះរាំងស្ងួតនៅទីក្រុងភាគខាងជើង Testour ។

 កសិករវ័យ ៧៤ឆ្នាំម្នាក់នេះ និយាយថា លោកពុំធ្លាប់ដែលមើលឃើញគ្រោះរាំងស្ងួតអាក្រក់បែបនេះនោះទេ ។ លោកថា ពីមុនប្រទេសរបស់លោកធ្លាប់ជួបរលកកម្តៅ ១លើករយៈពេលប៉ុន្មានថ្ងៃប៉ុណ្ណោះ ប៉ុន្តែឆ្នាំនេះ រលកកម្តៅកើតមានរយៈពេលរាប់ខែ ។

 ធនាគារពិភពលោក បាននិយាយកាលពីខែវិច្ឆិកាថា គ្រោះរាំងស្ងួតបានធ្វើឲ្យប្រទេសទុយនីស៊ីយឺតយ៉ាវកំណើនសេដ្ឋកិច្ច ពោលគឺកើនឡើងតិចតួចប៉ុណ្ណោះនៅត្រីមាសទី ២ក្នុងឆ្នាំ ២០២៣ ត្រឹម ១៥,៦ភាគរយ ធៀបនឹង ១៥,៣ភាគរយកាលពីឆ្នាំមុន ។

 គ្រោះរាំងស្ងួតរយៈពេល ៤ឆ្នាំ បានធ្វើឲ្យអាងស្តុកទឹកទុយនីស៊ី រីងស្ងួតអស់ គំរាមកំហែងដល់ការប្រមូលផលដែលសំខាន់ចំពោះសេដ្ឋកិច្ចប្រទេសមួយនេះ ៕