ប្រធានាធិបតីរុស្ស៊ីលោក Vladimir Putin បាននិយាយថា រុស្ស៊ីបានត្រៀមខ្លួនរួចរាល់ក្នុងការចូលរួមកិច្ចសហប្រតិបត្តិការជាមួយចិនលើវិស័យជាច្រើន រួមទាំងបច្ចេកវិទ្យាយោធា ។

លោក Putin ដែលបានអភិវឌ្ឍទំនាក់ទំនងជិតស្និតជាមួយប្រធានាធិបតីចិនលោក Xi Jinping បាននិយាយប្រាប់កិច្ចប្រជុំវិនិយោគទុនថា ស្របពេលដែលពួកយើងគិតដល់អនាគត អនាគតសណ្តាប់ធ្លាប់ពិភពលោក គិតពីការធានាសន្តិសុខរបស់ពួកយើង ពួកយើងត្រូវតែលក់ និងទិញទំនាក់ទំនង ពួកយើងត្រូវតែគិតពីអនាគត គិតពីបច្ចេកវិទ្យារបស់ពួកយើង ។

លោកបន្តថា ជាបឋម ពាក់ព័ន្ធនឹងទំនាក់ទំនងជាមួយចិន ពួកយើងបានត្រៀមខ្លួនរួចរាល់ក្នុងកិច្ចសហប្រតិបត្តិការជាមួយចិនលើវិស័យជាច្រើន ពួកយើងគ្មានកំណត់នោះទេ ។

លោក Putinនិយាយទៀតថា ពួកយើងនឹងធ្វើការជាមួយសាធារណរដ្ឋប្រជាមានិតចិន ពួកយើងមាននូវទំនាក់ទំនងល្អបំផុត ទំនាក់ទំនងពិតប្រាកដជាមួយលោក Xi Jinping ក្នុងកម្រិតរដ្ឋាភិបាល និងក្នុងកម្រិតសហគមន៍ធុរកិច្ច ៕