ដើមណូអែលធំបំផុតរបស់ពិភពលោក ត្រូវបានបើកភ្លើងបំភ្លឺកាលពីយប់ថ្ងៃព្រហស្បតិ៍នៅទីក្រុង Gubbio ប្រទេសអ៊ីតាលី គឺជាប្រពៃណីដែលជម្រាលភ្នំទាំងមូលរបស់ភ្នំ Ingino បានបើកភ្លើងរាងជាដើមណូអែល ។

ដើមណូអែលនេះ បានចុះបញ្ជីក្នុងសៀវភៅកំណត់ត្រាពិភពលោក Guinness Book កាលពីឆ្នាំ ១៩៩១ ហើយការងាររៀបចំ ត្រូវចំណាយពេលច្រើនសប្តាហ៍ ដោយក្រុមស្ម័គ្រចិត្តរបស់គណៈកម្មាធិការ Alberarioli' ធ្វើការលើដើមណូអែលនេះ កាលពីថ្ងៃអាទិត្យ ។

ការងារប្រហែល ១.៣០០ម៉ោង ត្រូវការដើម្បីបង្កើតការបំភ្លឺភ្លើងដ៏អស្ចារ្យនេះ ប៉ុន្តែទីក្រុង Gubbio និងប្រជាពលរដ្ឋក្នុងស្រុកនៅឆ្ងាយៗជុំវិញដើមណូអែល ទទួលបានអត្ថប្រយោជន៍ពីការមើលដើមណូអែលដែលស្ថិតនៅលើជម្រាលភ្នំ នៅលើរយៈកម្ពស់ប្រហែល ៩០០ម៉ែត្រ ៕