វិមានក្រឹមឡាំង នៅថ្ងៃសុក្រ (ទី៨ ខែធ្នូ) នេះ បាននិយាយថា គំនិតដែលរុស្ស៊ីនឹងចូលរួមក្នុងកិច្ចចរចាសន្តិភាពជាមួយអ៊ុយក្រែនតាមលក្ខខណ្ឌរបស់ទីក្រុងគីវ នៅឆ្នាំ២០២៤ នោះ គឺជាអ្វី ដែលមិនអាចទៅរួចទេ។

ការលើកឡើងនេះ ត្រូវបានធ្វើឡើង ដើម្បីឆ្លើយតបទៅនឹងរបាយការណ៍របស់ប្រព័ន្ធផ្សព្វផ្សាយ ដែលបាននិយាយថា ទីក្រុងវ៉ាស៊ីនតោនចង់ឲ្យរូបភាពបែបនេះលេចឡើង ហើយអ្នកនាំពាក្យវិមានក្រឹមឡាំង លោក Dmitry Peskov បានហៅគំនិតនេះថា «មិនអាចទៅរួចនោះទេ»។

ជាមួយគ្នានេះ លោក Peskov ក៏បាននិយាយផងដែរថា សហរដ្ឋអាមេរិកបានធ្វើឲ្យប្រាកដថា ជម្លោះនៅអ៊ុយក្រែន គាំទ្រផលប្រយោជន៍សេដ្ឋកិច្ចរបស់ខ្លួន ដោយបានស្តីបន្ទោសសហរដ្ឋអាមេរិក ចំពោះការ «ធ្វើឲ្យអាយុជីវិតរបស់ប្រជាជនអ៊ុយក្រែនស្ថិតនៅក្នុងភ្នក់ផ្លើងសង្គ្រាម»៕