អុីស្រាអែល ៖ ការរិះគន់ កំពុងកើនឡើងប្រឆាំងនឹងអ៊ីស្រាអែល នៅពេលដែលកងកម្លាំងដើរពាសពេញតំបន់ហ្កាហ្សា  ស្ទ្រីប ដើម្បីកម្ទេចក្រុមហាម៉ាស ដោយបណ្តាលឲ្យមានការបំផ្លិចបំផ្លាញដ៏ធំមួយ ខណៈដែលជំនួយមនុស្សធម៌ថយចុះចំពោះជនស៊ីវិលប៉ាឡេស្ទីន ដែលជាប់ខ្លួន នៅក្នុងជម្លោះនេះ។

អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres) បានអំពាវនាវឲ្យមានអំណាចដ៏កម្រមួយ នៅសប្តាហ៍នេះ ដែលអនុញ្ញាតឲ្យលោកធ្វើការអំពាវនាវសុំឲ្យមានបទឈប់បាញ់ នៅចំពោះមុខក្រុមប្រឹក្សាសន្តិសុខរបស់ស្ថាប័នអន្តរជាតិ ខណៈដែលលោក បាននិយាយថា៖«ស្ថានភាព គឺមិនអាចទ្រាំទ្របាន នៅក្នុងតំបន់ហ្កាហ្សា។

លោកហ្គុយតឺរេស បាននិយាយនៅចំពោះមុខក្រុមប្រឹក្សាថា លក្ខខណ្ឌសម្រាប់ការផ្តល់ជំនួយមនុស្សធម៌ប្រកបដោយប្រសិទ្ធភាព លែងមានទៀតហើយ ដោយពណ៌នាអំពី «ការបិទច្រក » នៃរថយន្តជំនួយមនុស្សធម៌ នៅព្រំដែនជាមួយប្រទេសអេហ្ស៊ីប និង «សុបិនអាក្រក់មនុស្សធម៌ ដែលកំពុងរីករាលដាល»។