អ៊ុយក្រែន ៖ រថយន្តភីកអាប់ និងប្រដាប់ទប់ឈាមដែលមានគោលដៅទៅកាន់សមរភូមិអ៊ុយក្រែន ត្រូវបានជាប់គាំងក្នុងជួរមួយមានប្រវែងជាងមួយគីឡូម៉ែត្រ នៅព្រំដែនជាមួយប្រទេសប៉ូឡូញ។ សម្ភារៈសម្រាប់ផលិតយានដ្រូន ដើម្បីប្រយុទ្ធនឹងកងកម្លាំងរុស្ស៊ី កំពុងប្រឈមនឹងការពន្យារពេលជាច្រើនសប្តាហ៍។

អង្គការសប្បុរសធម៌ និងក្រុមហ៊ុនអ៊ុយក្រែនដែលផ្គត់ផ្គង់យោធារបស់ប្រទេសដែលហែកហួរដោយសង្រ្គាមនេះ បានព្រមានថា បញ្ហាកំពុងកើនឡើង ខណៈដែលអ្នកបើកបររថយន្តប៉ូឡូញបង្ហាញសញ្ញានៃការបញ្ចប់ការបិទព្រំដែនដែលបានអូសបន្លាយជាងមួយខែ។ ក្រុមបាតុករ ប៉ូឡូញត្អូញត្អែរថា ជីវភាពរបស់ពួកគេ កំពុងជួបបញ្ហា បន្ទាប់ពីសហភាពអឺរ៉ុប បន្ធូរបន្ថយច្បាប់ដឹកជញ្ជូនមួយចំនួន ហើយរថយន្តដឹកទំនិញអ៊ុយក្រែន កាត់បន្ថយអាជីវកម្មរបស់ពួកគេ។

លោក Oleksandr Zadorozhnyi នាយកប្រតិបត្តិការនៃមូលនិធិ KOLO ដែលជួយកងទ័ពអ៊ុយក្រែនជាមួយនឹងបច្ចេកវិទ្យាសមរភូមិប្រយុទ្ធ បាននិយាយថា ខណៈពេលដែលយានដ្រូន នឹងទៅដល់ខ្សែត្រៀមជួរមុខនោះ ពួកវា ត្រូវបានពន្យារពេលពី ២ ទៅ ៣សប្តាហ៍។

លោក បាននិយាយថា៖ «នេះមានន័យថា កងទ័ពរុស្ស៊ី នឹងមានសមត្ថភាពសម្លាប់ទាហានអ៊ុយក្រែន និង