បាល់ទាត់​៖ ​ក្រុម​ជំរើសជាតិ​ប៊ែ​ល​ហ្ស៊ិ​ក​មានបំណង​ផ្អាក​លេង និង​ទាត់​បាល់​ចេញ​ក្រៅ​នៅ​នាទី​ទី១០ នៅ​ពេល​ជួប​ក្រុម​ដា​ណឺ​ម៉ាក​រាត្រី​នេះ​ ដើម្បី​ទះដៃ​លើកទឹកចិត្ត​ដល់ Christian Eriksen​។ អ្នកគាំទ្រ​ក្រុម​ដា​ណឺ​ម៉ាក​ក៏មាន​គំរោង​ធ្វើបែបនេះ​ដែរ​ ដើម្បី​ជាការ​លើកទឹកចិត្ត​។​

​​ខ្សែបម្រើក្រុម Inter Milan រូបនេះ​បាន​ដួលសន្លប់​ អំឡុង​ការប្រកួត​ទល់នឹង​ហ្វាំ​ង​ឡង់​ដោយ​សារ​គាំង​បេះដូង និង​ត្រូវបាន​សង្គ្រោះ​ភ្លាមៗ​នៅ​នឹង​ទីលាន មុននឹង​បន្ត​ដឹក​ទៅ​មន្ទីរពេទ្យ​។ មក​ទល់ពេលនេះ Eriksen ក៏បាន​ដឹងខ្លួន​វិញ​ដែរ និង​បាន​សរសេរ​សារ​ជា​សាធារណៈ​ជា​លើកដំបូង​ផង​ដែរ ​ដើម្បីអរគុណ​ដល់​អ្នកគាំទ្រ និង​មនុស្ស​រាល់គ្នា​ដែល​បារម្ភ និង​ជូនពរ​។ ​ការសំរេច​ផ្អាក​លេង និង​ទាត់​បាល់​ចេញ​ក្រៅ​នៅ​នាទី​ទី១០ នោះ​គឺ​យកតាម​អាវ​របស់ Eriksen ដែល​ពាក់អាវ​លេខ ១០ អោយ​ក្រុម​ដា​ណឺ​ម៉ាក​។

​​រំលឹក​ថា​ ហេតុការណ៍​របស់ Eriksen បានធ្វើឱ្យ​ពិភព​បាល់ទាត់​ទូទាំង​ពិភពលោក​មានការ​តក់​ស្លុត និង​បួ​ក​សួង​អោយ Eriksen រួច​ផុតពី​គ្រោះថ្នាក់​។ ​កីឡាករ​ដែល​បាន​ស៊ុត​បញ្ចូល​ទី​នៅ Euro ២០២០ ចុង​សប្តាហ៍​កន្លងទៅ​មួយចំនួន​ មិនបាន​អបអរ​គ្រាប់​បាល់​របស់ខ្លួន​ឡើយ និង​យក​ការ​អបអរ​នោះ​ទៅជា​ការ​ឧទ្ទិស និង​លើកទឹកចិត្ត​ដល់ Eriksen ដូចជា​អ្នក​ស៊ុត​បញ្ចូល​ទី​អោយ​ហ្វាំ​ង​ឡង់ Pohjanpalo, Romelu Lukaku របស់​ប៊ែ​ល​ហ្ស៊ិ​ក និង​គ្រាប់​របស់ Lainer ស៊ុត​នាំមុខ​អោយ​អូទ្រីស​លើ​ម៉ា​សេ​ដ្វា​ន់​ខាងជើង​យប់មិញ​ជាដើម​៕

​អត្ថបទ​៖​នាង សុភា​វុ​ធ