អ្នកជំនាញផ្នែកថាមពល លោក Dan Yergin បាននិយាយថា ការផលិតប្រេងរបស់ប្រទេសហ្គីយ៉ាន កំពុងរីកចម្រើន ហើយវាកំពុងកើនឡើង ក្នុងល្បឿនដែលមិនធ្លាប់មានពីមុនមក។

លោកបានថ្លែងនៅក្នុងបទសម្ភាសន៍របស់ស្ថានីយទូរទស្សន៍ CNBC កាលពីថ្ងៃចន្ទថា៖«ប្រទេសហ្គីយ៉ាន មានសារៈសំខាន់ខ្លាំងណាស់ ព្រោះវាជាការអភិវឌ្ឍប្រេង នៅឈូងសមុទ្រលឿនបំផុត ក្នុងប្រវត្តិសាស្ត្រពិភពលោក»។

ក្រុមហ៊ុន Exxon Mobil និង Chevron ទាំងពីរ បាននឹងកំពុងពង្រីកទីតាំងរបស់ពួកគេ នៅក្នុងតំបន់នេះ។ ក្រុមហ៊ុន Exxon បានចាប់ផ្តើមផលិតនៅគម្រោងទីបីរបស់ខ្លួន នៅទីក្រុង Payara នៃប្រទេសហ្គីយ៉ាន ក្នុងឆ្នាំនេះ ដោយនាំឲ្យសមត្ថភាពផលិតសរុបរបស់ខ្លួន នៅក្នុងតំបន់ កើនឡើងដល់ប្រមាណ ៦២០.000 ធុង ក្នុងមួយថ្ងៃ។

ចំណែកនៅក្នុងខែតុលា ក្រុមហ៊ុន Chevron បានចុះហត្ថលេខាលើកិច្ចព្រមព្រៀងទិញយកក្រុមហ៊ុនប្រេង Hess ដោយកិច្ចព្រមព្រៀងនេះ មានតម្លៃជាទឹកប្រាក់ក្នុងចំនួនច្រើន ដែលគឺជាគម្រោងមួយ នៅឆ្នេរ         សមុទ្ររបស់ប្រទេសហ្គីយ៉ាន។

ប៉ុន្តែជម្លោះជាយូរមកហើយរវាងប្រទេសហ្គីយ៉ាន និងប្រទេសជិតខាងវ៉េណេហ្ស៊ុយអេឡា បានកើតមានឡើងវិញ នាពេលថ្មីៗនេះ ដោយប្រទេសវ៉េណេហ៊្សុយអេឡា បានទាមទារដីមួយភាគធំរបស់ប្រទេសហ្គី    យ៉ាន។

លោក Yergin បាននិយាយថា៖ «រហូតមកទល់ពេលនេះ ជម្លោះនេះ កាន់តែផ្ទុះឡើងខ្លាំង។ «លោក នីកូឡាស ម៉ាឌូរ៉ូ (Nicolás Maduro) ដែលជាប្រធានាធិបតីផ្តាច់ការនៃប្រទេសវ៉េណេហ្ស៊ុយអេឡា បានធ្វើប្រជាមតិមួយគួរឲ្យអាម៉ាស់ ដែលប្រហែលជា១០ភាគរយនៃប្រជាជន បានបោះឆ្នោតទាមទារពីរភាគបីនៃប្រទេសហ្គីយ៉ា ។ ប៉ុន្តែអ្វីដែលគួរឲ្យចាប់អារម្មណ៍របស់គាត់ គឺប្រេងនៅក្នុងសមុទ្រ»។