សៀមរាប ÷ សម្រាប់ការបោះជំរំយុវជនជាសកលលើកទី៩ នាឆ្នាំនេះ បានប្រកាសបើកដំណើរការជាផ្លូវ ការហើយ ក្នុងនេះត្រូវរដ្ឋមន្ត្រីក្រសួងអប់រំ បានបញ្ជាក់ពីមូលហេតុដែលការបោះជំរំជាសកលយុវជន ជាសកលឆ្នាំនេះ ត្រូវយកប្រធានបទ ការអភិវឌ្ឍយុវជន ក្រោមដំបូលសន្តិភាព ដោយថា កម្ពុជា កំពុងមានសុខសន្តិភាព ប៉ុន្តែនៅលើពិភពលោក មានប្រទេសមួយចំនួនកំពុងមានសង្គ្រាមនៅឡើយទេ។

ផ្តល់កិច្ចសម្ភាសន៍ ក្រោយពិធីបើកការបោះជំរំយុវជនជាសកលលើកទី៩ នៅខេត្តសៀមរាប ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី ហង់ ជួនណារ៉ុន រដ្ឋមន្ត្រី ក្រសួងអប់រំយុវជននិងកីឡា បានបកស្រាយថា ការបោះជំរំយុវជនជាសកលនាឆ្នាំនេះ អន្តរជាតិក្រសួងបានសម្រេចជ្រើសរើសយក ប្រធានបទ ការអភិវឌ្ឍយុវជន ក្រោមដំបូលសន្តិភាព ហើយប្រធានបទនេះសំខាន់ណាស់សម្រាប់យុវជន ដែលកំពុងរស់នៅក្រោមដំបូលសន្តិភាព។ ឯកឧត្តមបណ្ឌិតសភាចារ្យរដ្ឋមន្ត្រី បានបន្តថា បច្ចុប្បន្ននេះ នៅលើពិភពលោក មានបណ្តាប្រទេសមួយចំនួនកំពុងមានសង្គ្រាម ហើយសង្គ្រាមបានបំផ្លាញអ្វីៗ ទំាងអស់ ដោយឡេកនៅកម្ពុជា ពុំមានសង្គ្រាមកើតឡងទៀតទេ ហើយយុវជនមានឱកាសគ្រប់បែបយ៉ាង នាពេលនេះដោយសារសន្តិភាព ត្រូវតែនាំមគ្នាដឹងគកុណ និងបន្តថែរក្សាឱ្យបានគង់វង្ស

។

ចំណែកយុវជនបោះជំរំចំនួន៣រូប បានប្រាប់ថា ពួកគេពិតជាសប្បាយរីករាយណាស់ ការបោះជំរំ ទើបនឹងដំណើរការបាន២ថ្ងៃទេ ហើយយុវជន បានមកពិគ្រប់សាកលវិទ្យាល័យ ដោយពុំបានស្គាល់គ្នា ឡើយ ហើយត្រឹមរយៈពេលមកនេះ ពួកគេបានរស់នៅជាមួយគ្នា ប្រៀបដូចជាមិត្តភក្តិជិតស្និត ប្រៀប ដូចជាបងប្អូន ហើយទំាងអស់នេះដោយសារសន្តិភាព បើគ្មានសន្តិភាព ពួកគេនឹងមិនមានឱកាសបាន មកជួបជុំគ្នាបែបនេះទេ ដូចនេះពួកគេសូមថ្លែងអំណរគុណដល់រាជរដ្ឋាភិបាល ដែលបានធ្វើឱ្យប្រទេស ជាតិមានសុខសន្តិភាព រហូតបានធ្វើឱ្យពួកគេជាយុវជនមានឱកាសគ្រប់បែបយ៉ាង។

 សូមបញ្ជាក់ថា ការបោះជំរំនាឆ្នាំនេះ មានសកម្មភាពជាច្រើន ក្នុងគោលបំណងឱ្យយុវជនចេះមាន ទំនួលខុសត្រូវ ចេះដោះស្រាយបញ្ហា និងបង្រៀនយុវជនឱ្យមានជំនាញបំណិនជីវិតពិតប្រាកដ ព្រោះយុវជន នឹងដឹកនាំប្រទេសជាតិនៅថ្ងៃអនាគត៕ដោយ ÷គង់ រ៉េន