មេដឹកនាំថ្មីរបស់អាហ្សង់ទីន លោក Javier Milei កាលពីថ្ងៃអង្គារ (ទី១២ ខែធ្នូ) បានចូលរួមពិធីបុណ្យពន្លឺរបស់ជនជាតិជ្វីហ្វ Hannukah ក្នុងទីក្រុង Buenos Aires ពោលគឺមានរយៈពេល ២ថ្ងៃបន្ទាប់ពីការស្បថចូលកាន់តំណែងជាប្រធានាធិបតី។

អ្នករៀបចំកម្មវិធី គឺសមាគម Tzeire Agudath Jabad Israeli Argentine Association បានជូនដំណឹងនៅក្នុងសេចក្តីថ្លែងការណ៍ថា ពិធីនេះត្រូវបានឧទ្ទិស ចំពោះ «ការដោះលែងចំណាប់ថ្នូររបស់ក្រុមហាម៉ាស ទាហាន អ្នកស្លាប់ និងការគាំទ្រដល់ប្រជាជនអ៊ីស្រាអែល។ ហើយលោក Milei ដែលនិយាយថា លោកមានបំណងផ្លាស់ទៅគោរពសាសនាជ្វីហ្វ បានអុជទៀនបំភ្លឺនៅថ្ងៃទី៦ នៃពិធីបុណ្យដ៏រីករាយ ដែលនឹងប្រព្រឹត្តទៅរហូតដល់ថ្ងៃទី១៥ ខែធ្នូ។

ដើម្បីរំលឹកដល់ជ័យម្នះរបស់ជនជាតិជ្វីហ្វបុរាណ Hannukah គឺជាពិធីបុណ្យគ្រួសារមួយ ដែលមានការអុជទៀនបំភ្លឺ និងការចៀនអាហារក្នុងប្រេង។ ពិធីបុណ្យ Hannukah ដែលជាភាសាហេប៊្រូ មានន័យថា «ការឧទ្ទិស» រំលឹកដល់ជ័យជម្នះនៃសតវត្សរ៍ទី២ មុនគ.ស របស់បព្វជិតសាសនាជ្វីហ្វ Judah Maccabee និងសាវ័ករបស់លោក ក្នុងការបះបោរនៅតំបន់ភ្នំ Judea និងការសម្រេចបាននូវសាងសង់ឡើងវិញនៃព្រះវិហារសាសនាជ្វីហ្វ នៅទីក្រុងហ្សេរុយសាឡឹម៕