ធនាគារពិភពលោក បានឲ្យដឹងកាលពីថ្ងៃអង្គារថា សង្គ្រាមអ៊ីស្រាអែល-ក្រុមហាម៉ាស នៅតំបន់ហ្កាហ្សាកំពុង មានផលប៉ះពាល់យ៉ាងធ្ងន់ធ្ងរដល់សេដ្ឋកិច្ចប៉ាឡេស្ទីន ដោយបន្ថែមថា ការធ្លាក់ចុះសេដ្ឋកិច្ចយ៉ាងខ្លាំងទំនងជានៅឆ្នាំនេះ និងឆ្នាំក្រោយ។

ធនាគារពិភពលោក បាននិយាយនៅក្នុងសេចក្តីថ្លែងការណ៍មួយថា៖«ការបាត់បង់អាយុជីវិត ល្បឿន និងទំហំនៃការខូចខាតចំពោះអចលនទ្រព្យ និងការកាត់បន្ថយលំហូរប្រាក់ចំណូលនៅទូទាំងទឹកដីប៉ាឡេស្ទីនគឺ មិនអាចប្រៀបធៀបបានឡើយ។

ជម្លោះដែលឥឡូវនេះអូសបន្លាយដល់ខែទី៣ របស់ខ្លួនហើយ បានបណ្តាលឲ្យមនុស្សស្លាប់ជាង ១៨.៤០០ នាក់នៅក្នុងតំបន់ហ្កាហ្សា ដែលភាគច្រើនជាស្ត្រី និងកុមារ នេះបើយោងតាមក្រសួងសុខាភិ    បាលដែលគ្រប់គ្រងដោយក្រុមហាម៉ាស។

អំពើហិង្សានេះ ត្រូវបានបង្កឡើងដោយការវាយប្រហារឆ្លងព្រំដែនរបស់ក្រុមហាម៉ាស កាលពីថ្ងៃទី៧ ខែតុលា ដែលបានសម្លាប់មនុស្ស ១.២០០នាក់ នេះបើយោងតាមតួលេខរបស់អ៊ីស្រាអែល ហើយចំណាប់ថ្នូរ ប្រហែល ២៤០នាក់ ត្រូវបានចាប់ខ្លួនត្រឡប់ទៅតំបន់ហ្កាហ្សាវិញ។