ព្រះសីហនុ៖ រដ្ឋបាលក្រុងព្រះសីហនុ សហការជាមួយមន្ទីរទេសចរណ៍ខេត្ត នៅព្រឹកថ្ងៃទី១៤ ខែធ្នូ ឆ្នាំ២០២៣ រៀបចំយុទ្ធនាការផ្សព្វផ្សាយ «ទីក្រុងទេសចរណ៍គ្មានផ្សែងបារី» ដែលមានការចូលរួម​ពី​មន្ត្រីរាជការសាលាក្រុង មន្ទីរទេសចរណ៍ ​ក្រុមការងារយុវជន រដ្ឋបាលសង្កាត់-ភូមិ និងប៉ុស្តិ៍នគរបាលរដ្ឋបាលសង្កាត់។

យុទ្ធនាការផ្ស្វព្វផ្សាយនេះ មានគោលបំណងបញ្ជ្រៀបការយល់ដឹង ​និងបំផុសដល់ប្រជាពលរដ្ឋ ក្នុងការចូលរួម​កាត់បន្ថយផលប៉ះពាល់របស់ថ្នាំជក់មកលើសុខភាព ​សេដ្ឋកិច្ច សង្គម និងបរិស្ថាន តាមរយៈការកសាង វិស័យទេសចរណ៍មួយដែលគ្មានផ្សែងបារី។

សូមជម្រាបថា ទីក្រុងគ្មានផ្សែងបារី ផ្តល់នូវផាសុខភាព ​និងសុខុមាលភាព​ សម្រាប់ភ្ញៀវទេសចរ និង​ចូលរួម​ពង្រឹងឧត្តមភាពនៃវិស័យទេសចរណ៍របស់ក្រុងព្រះសីហនុ៕