ភាគហ៊ុនអាស៊ីបានហក់ឡើងខ្ពស់នៅព្រឹកថ្ងៃព្រហស្បតិ៍ (ទី១៤ ខែធ្នូ) នេះ បន្ទាប់ពីធនាគារកណ្ដាលសហព័ន្ធអាមេរិក (Fed) បានបង្ហាញសញ្ញាពីការបញ្ចប់វដ្តនៃការរឹតបន្តឹងរបស់ខ្លួន និងបង្កើតនូវរបៀបដ៏មានស្ថិរភាព សម្រាប់ឆ្នាំខាងមុខ។

ផ្សារហ៊ុន Nikkei របស់ប្រទេសជប៉ុន បានឡើង ០,៣២ភាគរយ ពោលគឺឡើងដល់ ៣៣.០៣២,៣០ពិន្ទុ នៅពេលដែលទីផ្សារភាគហ៊ុន បានបើក នៅពេលព្រឹក ខណៈដែលសន្ទស្សន៍ហ៊ុនរបស់ក្រុមហ៊ុន Hang Seng របស់ហុងកុង បានឡើង ១,១៨ភាគរយ គឺឡើងដល់ ១៦.៤១៩,៧៤ពិន្ទុ។ សន្ទស្សន៍តម្លៃភាគហ៊ុន Korea Composite Stock Price Index (KOSPI) របស់កូរ៉េខាងត្បូង បានឡើង ១,៤៣ភាគរយ គឺឡើងដល់ ២.៥៤៦,៥៦ពិន្ទុ។

Fed បានរក្សាអត្រាការប្រាក់ឲ្យនៅដដែល កាលពីថ្ងៃពុធ (ទី១៣ ខែធ្នូ) ហើយប្រធាន Fed លោក Jerome Powell បាននិយាយថា ការរឹតបន្តឹងគោលនយោបាយរូបិយវត្ថុជាប្រវត្តិសាស្ត្ររបស់ខ្លួន ទំនងជានឹងបញ្ចប់ដោយអតិផរណាធ្លាក់ចុះលឿនជាងការរំពឹងទុក។

គម្រោងមន្ត្រីរបស់ Fed ចំនួន ១៧នាក់ ក្នុងចំណោម ១៩នាក់ ដែលស្ទើរតែជាឯកច្ឆ័ន្ទ ដែលថា គោលនយោបាយអត្រាប្រាក់ នឹងទាបជាងពេលនេះ នៅចុងឆ្នាំ២០២៤ ដោយការព្យាករណ៍ជាមធ្យម បង្ហាញពីអត្រាធ្លាក់ចុះ ៣/៤ភាគរយ ពីចន្លោះអត្រាបច្ចុប្បន្ន ៥,២៥ភាគរយ ទៅ ៥,៥០ភាគរយ៕