ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានក្រើនរំលឹក និងជំរុញដល់ក្រុមគ្រូពេទ្យទាំងអស់ ដែលកំពុងបម្រើការនៅក្នុងមន្ទីរពេទ្យព្រះកេតុមាលា គប្បីត្រូវយកចិត្តទុក ដាក់ និងពង្រឹងក្រមសីលធម៌ វិជ្ជាជាវៈរបស់ខ្លួនបន្ថែក្នុងការព្យាបាលដល់ក្រុមគ្រួសារយោធិន ឲ្យកាន់តែល្អប្រសើរបន្ថែមទៀត ខណៈបច្ចុប្បន្នមន្ទីរពេទ្យយោធាដ៏ធំមួយនេះបានបំពាក់នូវគ្រឿងបរិក្ខាពេទ្យ ទំនើបៗជាច្រើនជាបន្តបន្ទាប់នោះ។

 ក្នុងឱកាសអញ្ជើញជាអធិបតីភាព សម្ពោធអគារសម្តេចពិជ័យសេនាទៀ បាញ់១៧៧មន្ទីរពេទ្យ ព្រះកេតុមាលា នាថ្ងៃទី១៦ ខែធ្នូ ឆ្នាំ២០២៣នេះ បច្ចុប្បន្ននេះមន្ទីរពេទ្យព្រះកេតុមាលាមានសម្ភារៈទំនើប ៗ និងអគារជាច្រើនត្រូវបានបំពាក់ និងសាងសង់ឡើងជាបន្តបន្ទាប់ដើម្បីឆ្លើយតបទៅតាមតម្រូវការរបស់បងប្អូនប្រជាពលរដ្ឋ ជាពិសេសគឺយោធិន និងក្រុមគ្រួសាររបស់ពួកគាត់ដែលមានបញ្ហាអ្វីកើតឡើងនោះ។ តែទោះជាយ៉ាងនេះក្តី ក្នុងនាមគ្រូពេទ្យដែលចាំបម្រើដល់ពួកគាត់ គប្បីត្រូវមានវិជ្ជាជីវៈ និងក្រមសីលធម៌ ជៀសវាងការមានថ្នាំងថ្នាក់ណាមួយពីសំណាក់ពួកគាត់។

 យ៉ាងណាក៏ដោយក្នុងឱកាសសម្ពោធដាក់ឲ្យដំណើរការនូវអគារនោះដែរ នាយឧត្តមសេនីយ៍ ទៀ សីហា ក៏បានថ្លែងកោតសរសើរ និងថ្លែងអំណរអគុណចំពោះលោកគ្រូ អ្នកគ្រូពេទ្យនៅក្នុងមន្ទីរពេទ្យព្រះ កេតុមាលាទាំងអស់ ដែលបានខិតខំយកចិត្តទុកដាក់ក្នុងការព្យាបាលអ្នកជំងឺ ដែលភាគច្រើនជាទាហាន និងក្រុមគ្រួសារសាញ់ញាតិទាហាន នាពេលកន្លងមកប្រកបដោយការយកចិត្តទុកដាក់ និងវិជ្ជាជីវៈផងដែរ ដោយមិនគិតនឿយហត់នោះ។

 ជាមួយគ្នានោះដែរ នាយឧត្តមសេនីយ៍ ក៏បានប្រកាសថ្លែងអំណរអគុណចំពោះប្រទេសជាមិត្ត ដែលបានផ្តល់នូវសម្ភារៈបរិក្ខាពេទ្យទំនើបៗ និងការជួយសាងសង់នូវអគារជាច្រើនដល់មន្ទីរពេទ្យព្រះកេតុ មាលានេះឲ្យកាន់តែល្អ និងប្រកបដោយផាសុកភាពជូនដល់ក្រុមគ្រូពេទ្យ និងអ្នកជំងឺផងដែរ៕ អត្ថបទ៖ បាន ចក់​