​

ប្រព័ន្ធផ្សព្វផ្សាយ NHK បានដឹងថា ឯកសារចាស់ៗត្រូវបានគេរកឃើញទាក់ទងនឹងមូលដ្ឋានយោធា ភូមិន្ទជប៉ុន ជាកន្លែងដែលគ្រាប់បែកបាឡុង ត្រូវបានបង្ហោះក្នុងដំណាក់កាលចុងក្រោយនៃសង្គ្រាមលោកលើកទី២។ យោធាដែលលែងដំណើរការនៅពេលបច្ចុប្បន្ន បានផលិតសព្វាវុធបាឡុង ក្នុងគោលបំណងវាយប្រហារដល់ដីគោករបស់សហរដ្ឋអាមេរិក ខណៈស្ថានភាពសង្រ្គាមកាន់តែធ្ងន់ធ្ងរ។ បាឡុងប្រមាណ៩.០០០ ត្រូវបានបញ្ចេញពីមូលដ្ឋានយោធាចំនួន៣នៅក្នុងប្រទេសជប៉ុន។ បាឡុង ចំនួន៣០០ក្នុងចំណោមបាឡុងទាំងនេះ បានទៅដល់សហរដ្ឋអាមេរិក បណ្តាលឱ្យជនស៊ីវិលជាច្រើននាក់ស្លាប់។ វាត្រូវបានគេជឿថា គ្មានការកត់ត្រាលម្អិតអំពីប្រតិបត្តិការនេះត្រូវបានរក្សាទុកនោះទេ។ អ្នកស្រាវជ្រាវម្នាក់ នៅសាកលវិទ្យាល័យ Meiji Gakuin នៃវិទ្យាស្ថានស្រាវជ្រាវសន្តិភាពអន្តរជាតិ លោក Matsuno Seiya បានស៊ើបអង្កេតសម្ភារៈដែលត្រូវបានរក្សាទុកនៅបណ្ណាសារជាតិជប៉ុន។ លោកបានរកឃើញឯកសារដែលសរសេរដោយអតីតក្រសួងសុខាភិបាលអំពីការស្ទង់មើលរបស់ខ្លួននៅមូលដ្ឋាន Otsu របស់យោធាភូមិន្ទជប៉ុននៅក្នុងខេត្ត Ibaraki នៅលើឆ្នេរសមុទ្រប៉ាស៊ីហ្វិកភាគខាងជើងទីក្រុងតូក្យូ។ ឯកសារ បង្ហាញពីរបៀបដែលដីច្រើនកន្លែងមានមូលដ្ឋាននៅទីនោះ ត្រូវបានប្រើប្រាស់ក្នុងអំឡុងពេលសង្គ្រាម។ វារួមបញ្ចូលទាំងការកត់ត្រាលើផ្ទៃដីប្រហែល ៩០ហិកតា ដែលត្រូវបានជួលពីម្ចាស់ដីប្រហែល ៧០ នាក់នៅក្នុងខែសីហា ឆ្នាំ ១៩៤៤។ ច្បាប់ចម្លងនៃផែនទីដែលបានគ្រោងទុកជាង ២០ទីតាំង ជាកន្លែងដែលបាឡុង ត្រូវបានបញ្ចេញក៏បានរួមបញ្ចូលផងដែរ។ ដីឡូត៍ត្រូវបានប្រគល់ឲ្យម្ចាស់វិញបន្ទាប់ពីសង្គ្រាម ប៉ុន្តែមានវត្ថុជាច្រើនបានបន្សល់ទុកនៅទីនោះ រយៈពេល១០ឆ្នាំក្រោយសង្គ្រាមចប់។ ជាការឆ្លើយតប អតីតក្រសួងសុខាភិបាល បាននិយាយថា វានឹងមិនអាចទៅរួចនោះទេសម្រាប់ហេតុផលផ្សេងៗ។ លោក Matsuno បាននិយាយថា លោកសន្និដ្ឋានថា ដីមិនត្រូវបានស្តារឡើងវិញឱ្យដូចដើមនោះទេ ទោះបីជាមានការអង្វរម្តងហើយម្តងទៀតក៏ដោយ ហើយការអំពាវនាវដ៏ស្មោះត្រង់របស់ម្ចាស់ដី បានជំរុញឱ្យទីក្រុងមានចំណាត់ការ។ លោកនិយាយថា ឯកសារ បង្ហាញពីរបៀបដែលពលរដ្ឋត្រូវបានរំខាន មិនត្រឹមតែក្នុងអំឡុងពេលសង្គ្រាមប៉ុណ្ណោះទេ ប៉ុន្តែក៏បន្ទាប់ពីសង្គ្រាមបានបញ្ចប់ផងដែរ។