នៅថ្ងៃអង្គារនេះ ប្រទេសហ្សកហ្ស៊ី និងប្រទេសអាល្លឺម៉ង់ បានចុះហត្ថលេខាលើកិច្ចព្រមព្រៀងនិរទេសចេញពីប្រទេសរាល់ក្រុមអ្នកស្វែងរកសិទ្ធិជ្រកកោនហ្សកហ្ស៊ីដែលពុំបានសម្រេចជោគជ័យ ។

លោក Vakhtang Gomelauriគឺជារដ្ឋមន្រ្តីក្រសួងមហាផ្ទៃហ្សកហ្ស៊ី និយាយថា លោកគិតថា កិច្ចព្រមព្រៀងរវាងអាល្លឺម៉ង់ និងហ្សកហ្ស៊ី គឺសំខាន់ខ្លាំងណាស់ ហើយពួកយើងនឹងធ្វើអ្វីៗគ្រប់បែបយ៉ាងដើម្បីឲ្យប្រាកដថា វានឹងជួយពន្យឺតការធ្វើអន្តោប្រវេសន៍ខុសច្បាប់ និងអាចគ្រប់គ្រងបានការធ្វើចំណាកស្រុក ។

លោកបន្តថា ជាមួយរដ្ឋមន្រ្តីក្រសួងមហាផ្ទៃអាល្លឺម៉ង់ និងជាមួយគណៈប្រតិភូអាល្លឺម៉ង់ ពួកយើងបានជជែកគ្នាពីអ្វីផ្សេងទៀតដែលពួកយើងអាចធ្វើបាន ដូចជាការបញ្ជូនក្រុមមន្រ្តីបន្ថែមទៀត ដូចដែលយើងបញ្ជូនពលរដ្ឋហ្សកហ្ស៊ីទៅកាន់សហភាពអឺរ៉ុប និងជាពិសេសអាល្លឺម៉ង់ ប៉ុន្តែមាននូវប្រទេសទី ៣ដែលពួកគេអាចចូលពីផងដែរ ។

ដោយឡែក រដ្ឋមន្រ្តីក្រសួងមហាផ្ទៃអាល្លឺម៉ង់លោកស្រី Nancy Faeserនិយាយថា ជាមួយនឹងការចុះហត្ថលេខាលើកិច្ចព្រមព្រៀងនៅថ្ងៃនេះ ពួកយើងនឹងបញ្ជាក់ឲ្យបានច្បាស់លាស់ពីអ្វីដែលសំខាន់ចំពោះប្រទេសរបស់ពួកយើងទាំងពីរ គឺភាពជាដៃគូផ្អែកលើកិច្ចសហប្រតិបត្តិការកំណត់ការធ្វើចំណាកស្រុកមិនទៀងទាត់លើភាគីម្ខាង និងមានគោលដៅលើការធ្វើចំណាកស្រុករបស់កម្មករ និងការអប់រំលើភាគីម្ខាងទៀត ។

លោកស្រីបន្តថា ពួកយើងនឹងបន្តិកិច្ចសហប្រតិបត្តិការសម្រាប់ការទទួលយកម្តងទៀតអ្នកដែលគ្មានសិទ្ធិស្នាក់នៅក្នុងប្រទេសអាល្លឺម៉ង់ ហើយពួកយើងនឹងពន្លឿនដំណើការរបស់សំណើរអ្នកស្វែងរកសិទ្ធិជ្រកកោននៅក្នុងប្រទេសអាល្លឺម៉ង់ ៕