អ្នកនៅរស់រានមានជីវិតពីរញ្ជួយដីបណ្តាលឲ្យមានមនុស្សស្លាប់ច្រើន នៅក្នុងប្រទេសចិន កំពុងព្រួយបារម្ភពីមហន្តរាយរញ្ជួយដីដ៏ខ្លាំង ខណៈពួកគេស្វែងរកទីជម្រកនៅក្នុងតង់បណ្តោះអាសន្ន ក្នុងសីតុណ្ហភាពត្រជាក់ក្រោមសូន្យអង្សាសេ នៅថ្ងៃព្រហស្សតិ៍នេះ។

មនុស្សរាប់សិបនាក់ នៅតែបាត់ខ្លួននៅឡើយ ហើយមនុស្ស១៣៧នាក់បានស្លាប់ បន្ទាប់ពីរញ្ជួយដីកម្រិត៦,២ រិចទ័រ បានវាយប្រហារនៅតំបន់ដាច់ស្រយាលនិងតំបន់ភ្នំមួយកន្លែង នៅជិតព្រំដែនលាតសន្ធឹងខេត្ត ហ្កានស៊ូ(Gansu)និងខេត្តឈីងហៃ(Qinghai) ។ អ្នកនៅរស់រាន បានប្រឈមភាពមិនច្បាស់លាស់ ក្នុងខែដ៏ត្រជាក់នៅពេលខាងមុខ ដោយគ្មានទីជម្រកអចិន្ត្រៃយ៍។

អ្នករស់នៅទីជម្រកបណ្តោះអាសន្នម្នាក់និយាយថា បន្ទាប់ពីយើងបានបង្កើតតង់កាលពីម្សិលមិញ វាមានភាពកក់ក្តៅនៅខាងក្នុង។ ប៉ុន្តែមានអារម្មណ៍ព្រួយបារម្ភ ខណៈយើងដេកពុំសុខស្រួលនោះទេ ហើយយើងពិតជាភ័យខ្លាច។

លំនៅឋានជាង ២០៧.០០០ខ្នង ត្រូវបានបំផ្លាញទាំងស្រុង និងជិត១៥.០០០ខ្នងទៀតបានបាក់រលំនៅក្នុងខេត្តហ្កានស៊ូ ដែលបានធ្វើឲ្យប៉ះពាល់ដល់មនុស្សជាង១៤៥.០០០នាក់។ ភាគច្រើននៃក្រុមគ្រួសារដែលរងផលប៉ះពាល់ ជាប្រជាជន ជនជាតិហួយ ជាជនជាតិភាគតិច ដែលភាគច្រើនត្រូវបានរកឃើញនៅខេត្ត និងតំបន់នៅប្រទេសចិនភាគខាងលិច។