អ្នកស្រុកនៅភាគខាងជើងប្រទេសឥណ្ឌា បានប្រឈមជាមួយនឹងស្ថានភាពអាកាសធាតុត្រជាក់ ខណៈដែលខ្យល់ត្រជាក់ និងការធ្លាក់ព្រិល នៅតំបន់ខ្ពង់រាបនៃជួរភ្នំហិម៉ាឡៃ នាំឲ្យមើលឃើញសារធាតុបារត នៅថ្ងៃព្រហស្បតិ៍ (ទី២១ ខែធ្នូ) នេះ។

រដ្ឋធានីញូវដែលីរបស់ប្រទេសឥណ្ឌា បានមើលឃើញនូវស្រទាប់ផ្សែងអ័ព្ទ ដែលធ្វើឲ្យផ្ទៃមេឃស្រអាប់ នាព្រឹកព្រលឹមថ្ងៃនេះ ខណៈដែលសន្ទស្សន៍គុណភាពខ្យល់ នៅតែស្ថិតក្នុងប្រភេទ «មិនល្អខ្លាំង» ក្នុងទីក្រុង។

អ្នកស្រុក ជាពិសេសទុរគតជន មានទុក្ខលំបាកយ៉ាងខ្លាំង ខណៈពួកគេរងាញ័រចំប្រប់ ក្រោមមេឃល្ហល្ហែវ អំឡុងអាកាសធាតុត្រជាក់ខ្លាំង។ បើទោះបីជាសីតុណ្ហភាពរដូវរងា នៅអាស៊ីខាងត្បូង មានកម្រិតស្រាលបើប្រៀបធៀបទៅនឹងទ្វីបអឺរ៉ុបក៏ដោយ ក៏ពេលខ្លះអាកាសធាតុត្រជាក់នេះ អាចបង្កគ្រោះថ្នាក់ដល់បាត់បង់ជីវិត នៅក្នុងប្រទេសឥណ្ឌា ដែលអ្នកគ្មានផ្ទះសម្បែងរាប់ពាន់នាក់ រស់នៅក្នុងខ្ទមដោយគ្មានភ្លើងកម្ដៅ៕