យានដ្រូនមួយគ្រឿង បានត្រូវចំអគារហេដ្ឋារចនាសម្ព័ន្ធមួយក្នុងតំបន់Mykolaiv ហើយបំណែកយានដ្រូននោះ បានធ្លាក់លើឃ្លាំងស្តុកគ្រាប់ធញ្ញជាតិនៅក្នុងតំបន់ Odesa ក្នុងអំឡុងពេលវាយប្រហារកាលពីយប់ថ្ងៃទី២១-២២ខែធ្នូ ដោយបានបណ្តាលឲ្យមានអគ្គិភ័យឆាប់ឆេះ ប៉ុន្តែមិនមានអ្នកស្លាប់ ឬរងរបួសនោះទេ។

កងកម្លាំងការពារនៃភាគខាងត្បូងនៃប្រទេសអ៊ុយក្រែន បានរាយការណ៍ថា យានអាកាសគ្មានមនុស្សបើក UAVs Shahed-131/136 ចំនួន ១៧គ្រឿង ដែលត្រូវបានបាញ់ចេញពីតំបន់គ្រីម៉េដែលគ្រប់គ្រងដោយ     រុស្ស៊ី ត្រូវបានបំផ្លាញ នៅក្នុងតំបន់ភាគខាងត្បូង គឺយានដ្រូនចំនួន ១០គ្រឿងនៅតំបន់ Oblast ៤គ្រឿង នៅតំបន់ Kherson និង ៣គ្រឿងទៀត នៅតំបន់ Odesa។

មានការវាយប្រហារចំនួនផងដែរៈ អគ្គិភ័យ បានឆាបឆេះនៅទីតាំងហេដ្ឋារចនាសម្ព័ន្ធមួយ ក្នុងសង្កាត់ Mykolaiv ហើយត្រូវបានពន្លត់រួចហើយ ដោយពុំមានមនុស្ស រងរបួសទេ។

ប្រធានរដ្ឋបាលយោធាតំបន់ Mykolaiv លោក Vitalii Kim បានរាយការណ៍ថា ការវាយប្រហារលើហេដ្ឋារចនាសម្ព័ន្ធ និងជាលទ្ធផល អគ្គិភ័យ បានកើតឡើង នៅក្នុងស្រុក Voznesenskyi។ ព័ត៌មានលម្អិត កំពុងត្រូវបានបង្កើតឡើង។

ជនជាតិរុស្ស៊ី បានព្យាយាមកំណត់គោលដៅហេដ្ឋារចនាសម្ព័ន្ធកំពង់ផែនៅ Odesa ប៉ុន្តែកងកម្លាំងការពារដែនអាកាស បានឆ្លើយតបយ៉ាងមានប្រសិទ្ធភាព។ ទោះបីជាយ៉ាងណាក៏ដោយ បំណែកយន្តហោះ UAV ដែលបានធ្លាក់នោះ បានធ្វើឲ្យខូចខាតដល់ឃ្លាំងស្តុកគ្រាប់ធញ្ញជាតិ ហើយអគ្គិភ័យ បានឆាបឆេះ ដែលត្រូវបានពន្លត់ភ្លាមៗ ដោយបុគ្គលិករបស់ឃ្លាំងនេះ ហើយមិនមានអ្នករងរបួស ត្រូវបានគេរាយការណ៍នោះទេ។