ក្រុមបាតុកររាប់ពាន់នាក់ បានមកប្រមូលផ្តុំគ្នានៅក្នុងរដ្ឋធានីសាណា របស់ប្រទេសយ៉េម៉ែន កាល​ពី​ថ្ងៃសុ​ក្រ ក្នុងសាមគ្គីភាពជាមួយពលរដ្ឋប៉ាឡេស្ទីន នៅក្នុងតំបន់ហ្កាហ្សា ក្នុង​ពេល​មាន​ការ​បន្ត​វាយ​លុក​របស់អ៊ីស្រាអែល លើតំបន់ហ៊ុមព័ទ្ធ។ ក្រុមអ្នកតវ៉ា បានប្រមូលផ្តុំគ្នានៅទីលាន Sabeen ភាគខាងត្បូងទីក្រុងសាណា(Sanaa) ដោយ​គ្រវី​ទង់​ជាតិ​ប៉ាឡេស្ទីន និងស្រែកពាក្យផ្សេងៗ។

ការតវ៉ានេះ ត្រូវបានរៀបចំឡើងដោយចលនាក្រុមហ៊ួទី (Houthi) ជាសម្ព័ន្ធមិត្តអ៊ីរ៉ង់ ដែល​គ្រប់​គ្រង​ភាគ​ច្រើន​នៅភាគពាយ័ព្យប្រទេសយេម៉ែន រួមទាំងរដ្ឋធានីសាណា ចាប់តាំងពីចុងឆ្នាំ ២០១៤​មក។

ស្ថានការណ៍មនុស្សធម៌នៅតំបន់ហ្កាហ្សា កាន់តែយ៉ាប់យ៉ឺនយ៉ាងឆាប់រហ័ស ចាប់តាំង​ពី​អ៊ីស្រាអែល បានចាប់ផ្តើមប្រតិបត្តិការយោធាទ្រង់ទ្រាយធំ កាលពីថ្ងៃទី០៧ ខែតុលា ដោយ​ការ​វាយ​ប្រហារ​តាមអាកាសយ៉ាងខ្លាំងក្លា និងការវាយលុក​ជើង​គោក​ដោយ​បង្កការ​បំផ្លិច​បំផ្លាញ​យ៉ាង​ទូលំ​ទូលាយ​ដល់តំបន់ហ៊ុមព័ទ្ធនេះចាប់តាំងពីពេលនោះមក ដើម្បីឆ្លើយតប​ទៅ​នឹង​ការ​តក់​ស្លុត​ដ៏​គួរ​ឱ្យ​ភ្ញាក់ផ្អើលមួយទៅកាន់ប្រទេសអ៊ីស្រាអែល ដោយក្រុមសកម្មប្រយុទ្ធហាម៉ាស ដែល​កំពុង​កាន់​អំណាច​នៅហ្កាហ្សា៕