ចំនួនអ្នកស្លាប់ជនជាតិប៉ាឡេស្ទីនពីការវាយប្រហាររបស់អ៊ីស្រាអែល នៅតំបន់ហ្កាហ្សា បាន​កើន​ឡើង​លើស​ពី២០.000 នាក់ និងជាង ៥៣.000 នាក់ផ្សេងទៀត បានរងរបួស ចាប់តាំងពីថ្ងៃទី ខែ​តុលានេះ បើយោងតាមទិន្នន័យចុងក្រោយដែលចេញផ្សាយដោយក្រសួងសុខាភិបាល ដែល​មាន​មូលដ្ឋាន នៅតំបន់ហ្កាហ្សា កាលពីថ្ងៃសុក្រ។

ក្នុងរយៈពេល៤៨ម៉ោង កន្លងទៅនេះ ជនជាតិប៉ាឡេស្ទីនចំនួន ៣៩០នាក់ ត្រូវបានសម្លាប់ និង ៧៣៤នាក់ ផ្សេងទៀត បានរងរបួស នៅក្នុងការវាយឆ្មក់របស់អ៊ីស្រាអែល នៅតំបន់ហ្កាហ្សា។

យោងតាមរបាយការណ៍មួយដែលចេញផ្សាយដោយអង្គការសហប្រជាជាតិ និង​ទីភ្នាក់​ងារ​មិន​មែន​រដ្ឋាភិបាលចំនួន២៣ កាលពីថ្ងៃព្រហស្បតិ៍ ប្រជាជន ២,៣លាននាក់ នៅតំបន់ហ្កាហ្សា «ស្ថិត​ក្នុងវិបត្តិស្បៀងអាហារ ឬអាក្រក់ជាងនេះ ជាមួយនឹងមនុស្សជាង ៥៧៦.000 នាក់ កំពុង​ស្ថិត​ក្នុង​កម្រិតគ្រោះមហន្តរាយ ឬអត់អាហារបរិភោគ។

កម្មវិធីស្បៀងអាហារពិភពលោក បាននិយាយនៅក្នុងរបាយការណ៍ថា ៩០ភាគរយ​នៃ​ប្រជាជន​ហ្កាហ្សា កំពុងបរិភោគអាហារតិចបំផុត ក្នុងមួយថ្ងៃៗ ដោយសារ​តែការរឹតបន្តឹង​យ៉ាងខ្លាំង​លើ​ចំនួន​ជំនួយ ដែលបានអនុញ្ញាតចូលទៅក្នុងតំបន់់ហ្កាហ្សា និងការផ្គត់ផ្គង់អាហារដែលមានស្រាប់ មាន​កម្រិត។

ចាប់តាំងពីថ្ងៃទី៧ ខែតុលាមក អ៊ីស្រាអែល បានធ្វើ​ប្រតិបត្តិការ​យោធា​ទ្រង់ទ្រាយ​ធំ​ប្រឆាំ​ង​នឹង​ក្រុម​ហាម៉ាស នៅតំបន់ហ្កាហ្សា ដែលមានឈ្មោះថា «ដាវដែក» ដើម្បីឆ្លើយ​តប​ទៅនឹ​ងកា​រ​វាយ​ប្រហារ​ដែល​មិនធ្លាប់មានពីមុនមកលើអ៊ីស្រាអែលភាគខាងត្បូង ដោយក្រុមហាម៉ាស៕