គណៈប្រតិភូនៃគណៈកម្មាធិការព្រឹទ្ធសភាទទួលបន្ទុកកិច្ចការបរទេស ការពារជាតិ និង​កង​កម្លាំង​ប្រដាប់​អាវុធ នៃប្រទេសបារាំង បានអំពាវនាវឲ្យបង្កើនជំនួយផ្នែកយោធាសម្រាប់ទីក្រុងគីវ ដើម្បី​ជួយ​ខ្លួន​ទប់ទល់នឹងការឈ្លានពានរបស់រុស្ស៊ី បន្ទាប់ពីបានបំពេញទស្សនកិច្ច នៅអ៊ុយក្រែន និង​ប៉ូឡូញ ក្នុងសប្តាហ៍នេះ។

គណៈប្រតិភូសមាជិកព្រឹទ្ធសភាចំនួន៤រូប ដែលដឹកនាំដោយលោក Cédric Perrin បាន​ទៅ​បំពេញ​ទស្សនកិច្ចនៅអ៊ុយក្រែន និងប៉ូឡូញ នៅថ្ងៃទី១៨-២២ខែធ្នូ។

នៅទីក្រុងគីវ ពួកគេ បានជួបជាមួយលោក Ruslan Stefanchuk ប្រធានសភាអ៊ុយក្រែន សមាជិកសភា រដ្ឋមន្ត្រីការពារជាតិ លោក Rustem Umierov និង លោក Ihor Zhovkva អនុ​ប្រធាន​ការិយាល័យប្រធានាធិបតីអ៊ុយក្រែន និង លោក Kyrylo Budanov ប្រធាន​ផ្នែក​ចារកម្ម​ការពារ​ជាតិ នៃប្រទេសអ៊ុយក្រែន។

នៅប្រទេសប៉ូឡូញ គណៈប្រតិភូនេះ បាន​ជួប​ប្រជុំ​ជា​មួយ​គណៈកម្មាធិការ​ប្រវត្តិសាស្ត្រ នៃ​សភា​ប៉ូឡូញ និងទីប្រឹក្សាសន្តិសុខរបស់លោកប្រធានាធិបតី Andrzej Duda៕