នាយករដ្ឋមន្ត្រីអ៊ីស្រាអែល លោក Benjamin Netanyahu បានប្តេជ្ញាកាលពីថ្ងៃអាទិត្យ ទី២៤ ខែធ្នូថានឹងប្រយុទ្ធកាន់តែសន្ធាប់ខ្លាំងជាងមុនចូលទៅកាន់តំបន់ហ្កាហ្សា បន្ទាប់​ពីក​ង​ទ័ព​របស់​លោក​បាន​រងការ រងការខាតបង់ធ្ងន់ធ្ងរបំផុតនៃសង្គ្រាមថ្មើរជើង ស្រប​ពេល​ក្រុម​សកម្ម​ប្រយុទ្ធ​អ៊ីស្លាម​ជីហាដ បានចូលរួមកិច្ចពិភាក្សានៅទីក្រុងគែរ(Cairo)ប្រទេសអេហ្ស៊ីប ជា​សញ្ញា​មួយ​ផ្នែក​ការ​ទូត​នៅ​តែមានជីវិត។  

ការមកដល់នៃគណៈប្រតិភូនៅទីក្រុងគែរ ដែលដឹកនាំដោយមេដឹកនាំនិរទេសអ៊ីស្លាមជីហាដ លោក ហ្សេដ អាល់ ណាក្លាឡា(Ziad al-Nakhlala) បានកើតឡើង ក្រោយការចេចា ដែល​ចូល​រួម​ដោយ​មេដឹកនាំក្រុមហាម៉ាស លោក អ៊ីស្មេលហានីយ៉េ (Ismail Haniyeh) ក្នុង​ប៉ុន្មាន​ថ្ងៃ​ថ្មី​ៗ​នេះ។​ ក្រុមអ៊ីស្លាមជីហាត ដែលមានកម្លាំងតូចជាងក្រុមហាម៉ាស ក៏កំពុង​ឃុំ​ខ្លួន​ចំណាប់​ថ្នូរ​មួយ​ចំនួន​នៅ​ក្នុងតំបន់ហ្កាហ្សា ផងដែរ។     

រហូត​មកដល់ពេលនេះ ក្រុមសកម្មប្រយុទ្ធមួយនេះ បាននិយាយថា ពួក​គេ​នឹង​មិន​ចរចា​ការ​ដោះលែង​ចំណាប់​ថ្នូរ​ណា​ម្នាក់​ឡើយ លុះត្រាតែអ៊ីស្រាអែល​បញ្ចប់​សង្រ្គាម​របស់​ខ្លួន​នៅ​តំបន់​ហ្កាហ្សា​ជា​មុនសិន ខណៈអ៊ីស្រាអែលនិយាយថា ពួកគេមានបំ​ណង​ចរចា​តែ​ការ​ផ្អាក​បណ្តោះ​អាសន្ន​ក្នុង​ការប្រយុទ្ធប៉ុណ្ណោះ។   

ប៉ុន្តែភាគីទាំងសងខាង ពុំបានដើរចេញជាសាធារណៈពីការចរចា ដែលក្រុង​វ៉ាស៊ីន​តោន​កាល​ពី​សប្តាហ៍​មុន​បានពណ៌នាថាមានសភាបធ្ងន់ធ្ងរនោះទេ ខណៈ​ដែល​ការ​ប្រយុទ្ធ​បាន​កក្រើក​កាន់​តែ​ខ្លាំង​ឡើង​នៅទូទាំងតំបន់ហ្កាហ្សាស្ទ្រីប ចាប់តាំង​ពី​បទ​ឈប់​បាញ់​បាន​ផុត​សុពលភាព​កាល​ពី​ដើម​ខែធ្នូមក។

អ៊ីស្លាមជីហាដបាននិយាយថា ការចរចានៅទីក្រុងគែរ នឹងផ្តោតលើ មធ្យោបាយ​ ដើម្បី​បញ្ចប់​ការ​ឈ្លាន​ពាន​របស់​អ៊ីស្រាអែល លើប្រជាជនរបស់យើង ។ មន្ត្រីរូបនេះបាននិយាយថា គណៈ​ប្រតិភូ​នឹង​បញ្ជាក់​ឡើង​វិញពីគោលជំហររបស់ក្រុមនេះថា ការដោះដូរ​ចំណាប់​ខ្មាំង​ណា​មួយ​នឹង​ត្រូវ​ធានា​ឲ្យ​បាន​នូវការដោះលែងជនជាតិប៉ាឡេស្ទីនទាំងអស់ដែលជាប់ឃុំក្នុងប្រទេសអ៊ីស្រាអែល បន្ទា​ប់​ពី​បទ​ឈប់​បាញ់ត្រូវបានសម្រេច ៕