កាលពីថ្ងៃអាទិត្យម្សិលមិញ អ្នកស្រី Rana Bishara ដែលជាវិចិត្រករប៉ាឡេស្ទីន បានបង្ហាញការដំឡើងសិល្បះរូបទារកព្រះយេស៊ូវនៅក្នុងកែវនៅមុខព្រះវិហារ Nativity(វ៉ាទីវីទី) ស្ថិតក្នុងទីក្រុង Bethlehem(បេស្លេហែម) ដើម្បីគាំទ្រតំបន់ហ្គាហ្សា ។ 

អ្នកស្រី Bishara និយាយថា គ្មានការប្រារព្ធពិធីបុណ្យអូណែលនោះទេនៅក្នុងចំណោមជនប៉ាឡេស្ទីន ដរាបណាដែលអ៊ីស្រាអែលនៅតែទម្លាក់គ្រាប់បែកលើតំបន់ហ្គាហ្សា ហើយអ្នកស្រីបានដាក់ទារកព្រះយេស៊ូវ ព័ទ្ធជុំវិញដោយបន្លាដំបងយក្សនៅក្នុងកែវ ហើយបង្ហាញវានៅក្នុងទីលានចតុរង្គ Mange មួយថ្ងៃមុនថ្ងៃបុណ្យអូណែល ។ 

 អ្នកស្រី Bishara និយាយថា ការដំឡើងសិល្បះរបស់គាត់ គឺដើម្បីរំឭកដល់ទារកហ្គាហ្សាកើតមិនគ្រប់ខែ ដែលត្រូវបានគេទុកចោលឲ្យនៅជាមួយគ្រូពេទ្យត្រឹមតែ ៥នាក់ និងគិលានុបដ្ឋាយិកាប៉ុន្មាននាក់ប៉ុណ្នោះ ពេលដែលមន្ទីរពេទ្យ Al Shifa ស្ថិតក្នុងតំបន់ហ្គាហ្សា ត្រូវបានគេជម្លៀសមនុស្សចេញ ។  

 គួរឲ្យដឹងថា ការប្រារព្ធពិធីបុណ្យណូអែល បានធ្លាក់ចុះនៅក្នុងតំបន់នាឆ្នាំនេះ ដោយសារតែសង្រ្គាម និងពេលដែលកងកម្លាំងអ៊ីស្រាអែល បើកការវាយប្រហារធំបំផុតរបស់ពួកគេ ចាប់តាំងពីការវាយប្រហាររបស់ក្រុមហាម៉ាស់លើអ៊ីស្រាអែល កាលពីថ្ងៃទី ៧ ខែតុលាកន្លងទៅ ។ 

 ក្រសួងសុខាភិបាលតំបន់ហ្គាហ្សា និយាយកាលពីពេលកន្លងទៅថា ទារកកើតមិនគ្រប់ខែ ៨នាក់ បានស្លាប់នៅក្នុងមន្ទីរពេទ្យ Al Shifa ដោយសារតែកង្វះខាត់ថាមពលអគ្គិសនី និងឱសថ ៕