ឧបនាយករដ្ឋមន្រ្តីរដ្ឋមន្រ្តីក្រសួងយុត្តិធម៌ និងប្រធានគណៈកម្មការថ្នាក់ជាតិ ពិនិត្យ និង​វាយតម្លៃ​បញ្ជី​ឈ្មោះទ​ណ្ឌិត​ស្នើសុំបន្ធូរបន្ថយទោស និងលើកលែងទោស ឯកឧត្តម កើត រិទ្ធ នៅព្រឹកថ្ងៃទី២៦ ខែធ្នូ ឆ្នាំ២០២៣នេះ បានដឹកនាំកិច្ចប្រជុំពិនិត្យ និងវាយតម្លៃឈ្មោះទណ្ឌិត ជិតបួនរយនាក់ ដែលបាន​ស្នើ​សុំ​បន្ធូរ​បន្ថយ និងលើកលែងទោសក្នងឱកាសទិវាជ័យជម្នះលើរបបប្រល័យពូជសាសន៍សម្រាប់ឆ្នាំ២០២៤ (ថ្ងៃ៧មករា)ខាងមុខនេះ។

យោងតាមឆាណែលតេលេក្រាមរបស់ក្រសួងយុត្តិធម៌បានឲ្យដឹងថា បញ្ជី​ឈ្មោះ​ទណ្ឌិត​ស្នើ​សុំ​បន្ធូរ​បន្ថ​យ​ទោស និងលើកលែងទោសដែលត្រូវបានគណៈកម្មការថ្នាក់ជាតិប្រជុំពិនិត្យ និង​វាយ​តម្លៃ​នា​ពេល​នេះ​គឺ​មាន​ទណ្ឌិតចំនួន ៣៩៨ នាក់ដោយក្នុងនោះស្រី ៣៨ នាក់ ដែលបាន​បញ្ជូន​ម​ក​ពី​បណ្តា​ពន្ធនាគារ​រាជ​ធានី​-ខេត្ត ចំនួន ២៣ និងមណ្ឌលអប់រំកែប្រែចំនួន៤៕