ភាគហ៊ុនអាស៊ី ត្រូវបានជួញដូរក្នុងភាពប្រយ័ត្នប្រយែង នៅថ្ងៃអង្គារ (ទី២៦ ខែធ្នូ) នេះ នៅពេលដែលប្រាក់ដុល្លារកំពុងនៅនឹងថ្កល់ក្បែរកម្រិតទាបរយៈពេល ៥ខែ ហើយការរំពឹងទុកថា ធនាគារកណ្តាលនឹងកាត់បន្ថយអត្រាការប្រាក់ ក្នុងពេលឆាប់ៗនេះ មានកាន់តែខ្ពស់ ដោយការធ្លាក់ចុះនៃអតិផរណារបស់សហរដ្ឋអាមេរិក។

វិនិយោគិន នៅតែកំពុងស្រង់ទិន្នន័យចេញផ្សាយកាលពីថ្ងៃសុក្រ (ទី២២ ខែធ្នូ) ដែលបង្ហាញថា តម្លៃរបស់សហរដ្ឋអាមេរិក បានធ្លាក់ចុះនៅក្នុងខែវិច្ឆិកាជាលើកដំបូង ក្នុងរយៈពេលជាង ៣ឆ្នាំកន្លះ ដែលវាបញ្ជាក់ពីភាពធន់របស់សេដ្ឋកិច្ច។

បើយោងតាមឧបករណ៍ CME FedWatch បានឲ្យដឹងថា ឥឡូវនេះ ទីផ្សារកំពុងកំណត់ឱកាស ៧៥ភាគរយនៃការកាត់បន្ថយអត្រាការប្រាក់ ២៥ភាគរយ ពីការកាត់បន្ថយរបស់ធនាគារកណ្ដាលអាមេរិក (Fed) កាលពីខែមីនា បើធៀបជាមួយនឹងឱកាស ២១ភាគរយ នៅចុងខែវិច្ឆិកា។ ហើយជាមួយគ្នានេះ ទីផ្សារក៏កំពុងកំណត់ឱកាសលើសពី ១៥០ភាគរយនៃការកាត់បន្ថយអត្រាការប្រាក់ នៅឆ្នាំក្រោយដែរ។

នៅក្នុងទីផ្សាររូបិយប័ណ្ណ សកម្មភាពត្រូវបានបិទនៅក្នុងការជួញដូរ ដែលត្រូវបានកាត់បន្ថយ ដោយសារថ្ងៃឈប់សម្រាក ជាមួយនឹងសន្ទស្សន៍ប្រាក់ដុល្លារនៅកម្រិត ១០១,៦៥ ពោលគឺមិនលើសពីកម្រិតទាបរយៈពេល ៥ខែ ១០១,៤២ ដែលវាបានដល់កម្រិតនេះ កាលពីថ្ងៃសុក្រ។ សន្ទស្សន៍នេះធ្លាក់ចុះ ១,៨ភាគរយ សម្រាប់ឆ្នាំនេះ ពោលគឺទំនងជាស្ថិតនៅលើការបញ្ចប់ដំណើរឡើងខ្ពស់រយៈពេល ២ឆ្នាំរបស់ខ្លួន៕