ស្រ្តីសហគមន៍ Ahir រាប់ម៉ឺននាក់ ស្លៀកពាក់សារីពណ៌លឿងទុំ បានរាំជារង្វង់ដ៏ធំនៅទីក្រុង Dwarka ស្ថិតក្នុងរដ្ឋភាគខាងលិច Gujarat ប្រទេសឥណ្ឌាកាលពីថ្ងៃអាទិត្យ នៅក្នុងពិធីមួយ ដើម្បីរំឭកដល់ព្រះគ្រឹស្នះ ។

 រូបភាពវីដេអូឃ្លីប ឃើញការបង្ហាញដ៏អស្ចារ្យដែលគេស្គាល់ថាជាពិធីរាំ Maha Raas គឺជាសារសន្តិភាព និងសុខដុមរមនាមួយសម្តែងដោយស្រ្តីប្រហែល ៣៧.០០០នាក់ ។

 ទីក្រុង Dwarka ដែលជាទីក្រុងតំបន់ឆ្នេរបុរាណនៃរដ្ឋ Gujarat ត្រូវបានគេជឿថា គឺជាកន្លែងរបស់ទេវហិណ្ឌូ ដែលជារាជាណាចក្ររបស់ព្រះគ្រឹស្នះ ។ របាំ Raas ត្រូវបានគេមានជំនឿថា មានអាយុកាល ៥ពាន់ឆ្នាំមកហើយ ។

 ស្រ្តីចូលរួមការរាំមួយរូបនិយាយថា អ្នកចុះចាញ់ទេវហិណ្ឌូ ព្រះគ្រឹស្នះនៅទីនេះ គឺសម្រាប់អ្នករាល់គ្នា មនុស្សលោកទាំងអស់អាចឲ្យពួកយើងទាំងអស់បន្តរួបរួម មានសុខភាពល្អ និងរីកចម្រើន នោះគឺជាព្រះគុណរបស់ព្រះ ព្រះអម្ចាស់ទីក្រុង Dwarka ព្រះគ្រឹស្នះ តែងតែប្រទានពរដល់ពួកយើង ។ 

 អ្នកស្រីបន្តថា ដោយសារតែជំនឿមួយនេះហើយ ទើបពួកយើងប្រារព្ធពិធីរាំ 'Maha Raas' ៕