នគរបាលនិយាយថា កម្មករយ៉ាងហោចណាស់៦នាក់ បានស្លាប់ និង២នាក់រងរបួសបន្ទាប់ពីជញ្ជាំងឡដុតឥដ្ឋ បានបាក់រលំ នៅក្នុងរដ្ឋ Uttarakhand ប្រទេសឥណ្ឌាភាគខាងជើង។ យោងតាមនគរបាល បាននិយាយថា ជនរងគ្រោះកំពុងធ្វើការនៅខាងក្នុងឡដុតឥដ្ឋ នៅពេលជញ្ជាំងបាក់រលំ។

បន្ទាប់ពីឧបទ្ទវហេតុ មនុស្សជាច្រើន ដែលនៅក្បែរនោះ បានមកជួយសង្គ្រោះ និងបានប្រើគ្រឿងចក្រដើម្បីលើកចេញកម្ទេចកម្ទី និងទាញយកមនុស្សដែលជាប់នៅខាងក្រោមនោះ។

មន្ត្រី នគរបាល បាននិយាយថា មនុស្ស៥នាក់បានស្លាប់នៅនឹងកន្លែង ហើយ៣នាក់ផ្សេងទៀតត្រូវបានដឹកទៅកាន់ មន្ទីរពេទ្យ Roorkee ក្នុងស្ថានភាពរងរបួស ជាកន្លែងដែលមនុស្សម្នាក់ទៀតបានស្លាប់ បណ្តាលឲ្យចំនួនអ្នកស្លាប់កើនឡើងដល់៦នាក់។ នគរបាល និងបុគ្គលិកកងកម្លាំងឆ្លើយតបគ្រោះមហន្តរាយ បានទៅដល់កន្លែងកើតហេតុ ដើម្បីជួយសង្គ្រោះ។

ករណីនេះ ស្ថិតនៅក្រោមប្រការចែងពីមនុស្សឃាតដែលអាចមានទោស មិនទាន់ឈានដល់ឃាតកម្ម ត្រូវបានដាក់ចូលជាសំណុំរឿងប្រឆាំងទៅនឹងម្ចាស់ឡឥដ្ឋឡើយ។ មន្ត្រីនគរបាលនិយាយថា ការស៊ើបអង្កេតមួយត្រូវបានបញ្ជា ដើម្បីបញ្ជាក់ពីមូលហេតុ ដែលនាំឲ្យមានឧបទ្ទវហេតុនេះ។