ក្រុមឃ្លាំមើលនុយក្លេអ៊ែររបស់អង្គការសហប្រជាជាតិ បាននិយាយកាលពីថ្ងៃអង្គារថា ប្រទេសអ៊ីរ៉ង់ បានបង្កើនទិន្នផលអាវុធនុយក្លេអ៊ែរកម្រិតជិតបីដង ក្នុងរយៈពេលបីខែកន្លងទៅនេះ ដែលជាសញ្ញានៃការបើកឡើងវិញនូវការប្រឈមដ៏គ្រោះថ្នាក់ នៅក្នុងជម្លោះរបស់ទីក្រុងតេអេរ៉ង់ជាមួយលោកខាងលិច នៅពេលដែលសង្រ្គាមនៅតំបន់ហ្កាហ្សា កាន់តែតានតឹងឡើង។

ទីភ្នាក់ងារថាមពលអាតូមិកអន្តរជាតិ(IAEA) បានប្រាប់រដ្ឋសមាជិកនៅក្នុងរបាយការណ៍សម្ងាត់មួយថា ពេលនេះអ៊ីរ៉ង់ កំពុងផលិតសារធាតុអ៊ុយនីរ៉ាញ៉ូម ដែលមានភាពសុទ្ធដល់ទៅ ៦០ភាគក្នុង   អត្រា៩គីឡូក្រាមក្នុងមួយខែ កើនឡើងពីបីគីឡូក្រាម ក្នុងរដូវក្តៅ និងដើមរដូវស្លឹកឈើជ្រុះ។ សហរដ្ឋអាមេរិកបានប៉ាន់ប្រមាណថា ទីក្រុងតេអេរ៉ង់ បានប្រមូលសម្ភារៈបំណែកនៃការផ្ទុះគ្រាប់បរិមាណូសម្រាប់ការផលិតអាវុធនុយក្លេអ៊ែរចំនួនបីរួចទៅហើយ ហើយកំពុងផ្លាស់ប្តូរយ៉ាងគ្រោះថ្នាក់ជិតដល់ភាពបរិសុទ្ធ ៩០ភាគរយ ដែលត្រូវបានចាត់ទុកថា ជាកម្រិតអាចផលិតអាវុធបាន។

IAEA បាននិយាយនៅក្នុងរបាយការណ៍នេះ ដែលត្រូវបានមើលជាលើកដំបូងដោយសារព័ត៌មាន AP និង រ៉យទ័រថា ទីក្រុងតេអេរ៉ង់ បានបង្កើនការផលិតអ៊ុយរ៉ានីញ៉ូមដែលមានភាពសុទ្ធកម្រិតខ្ពស់របស់ខ្លួន ដោយផ្លាស់ប្តូរការកាត់បន្ថយទិន្នផលពីមុន ពីពាក់កណ្តាលឆ្នាំ ២០២៣។