កំពង់ឆ្នាំង៖ សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បើកសិក្ខាសាលាស្ដីពីការអភិវឌ្ឍន៍អាជីវកម្មក្រោយ បរិបទកូវីដ-១៩ ជូនសមាជិកសមាជិការបស់ FASMEC នៅខេត្តកំពង់ឆ្នាំង ដើម្បីផ្តល់ចំណេះដឹង និងអត្ថប្រយោជន៍ដល់សហគ្រាស ធុនតូច និងមធ្យម។
ឧកញ៉ា តែ តាំងប៉ ប្រធានក្រុមប្រឹក្សាភិបាលនៃសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) នៅថ្ងៃទី ២៧ ខែ ធ្នូ ឆ្នាំ ២០២៣ បានដឹកនាំនិងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ-១៩”ជូនសមាជិកសមាជិកា របស់ FASMEC នៅខេត្តកំពង់ឆ្នាំង ដោយមានការអញ្ជើញចូលរួមបើកកម្មវិធី ក្រោមអធិបតីភាពដ៏ខ្ពង់ខ្ពស់របស់ ឯកឧត្តម យ៉ង ភិរម្យ អភិបាលរងនៃគណៈអភិបាលខេត្តកំពង់ឆ្នាំង តំណាងដ៏ខ្ពង់ខ្ពស់របស់ ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្ត កំពង់ឆ្នាំង និងបិទកម្មវិធីក្រោមអធិបតីភាព លោក សរ ពិសិដ្ឋ អនុប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងខ្ពង់ខ្ពង់របស់ ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ ព្រមទាំងដៃគូ សហការឧបត្ថម្ភនានាមានដូចជា៖ សហគ្រិនខ្មែរ សមាគមមូលនិធិសម្តេចតេជោដើម្បីអភិវឌ្ឍន៍សហគ្រាសធុនតូច និងមធ្យមកម្ពុជា ក្រុមហ៊ុនវៀតធេល (ខេមបូឌា) និងដៃគូសហការផ្សេងៗទៀត និងមាន SME ចូលរួមចំនួន ១៧០ នាក់។
ពាក់ព័ន្ធគោលបំណងនៃកម្មវិធីសិក្ខាសាលានេះ គឺដើម្បីផ្តល់ចំណេះដឹង និងអត្ថប្រយោជន៍ដល់សហគ្រាសធុនតូច និងមធ្យមទូទាំង ប្រទេសកម្ពុជា បានដឹងពីព័ត៍មានទាក់ទងនឹងច្បាប់បញ្ញាតិនានា ព័ត៍មានទាក់ទងនឹងធនាគាដៃគូរ និងក្រុមហ៊ុនដៃគូរ៕