ប្រទេសវៀតណាមដែលគ្រប់គ្រងដោយបក្សកុម្មុយនីស្ត បានធ្វើឲ្យកាន់តែប្រសើរឡើង ក្នុងទំនាក់ទំនងជាមួយមហាអំណាចកំពូលៗរបស់ពិភពលោក ដែលក្នុងនោះរួមទាំងអតីតគូសត្រូវ គឺប្រទេសចិន និងសហរដ្ឋអាមេរិកផងដែរ ដោយការពង្រឹងទំនាក់ទំនងនេះ គឺជាផ្នែកមួយនៃ «ការទូតដើមឫស្សី» ដែលប្រទេសនេះ បានបន្តអនវុត្តយ៉ាងសកម្ម ចាប់តាំងពីឆ្នាំ២០២១ ដើម្បីឆ្លងកាត់ភាពតានតឹងពិភពលោក ដែលកំពុងតែកើនឡើងឥតថមថយ។

បន្ទាប់ពីមានកិច្ចព្រមព្រៀងជាបន្តបន្ទាប់ នៅឆ្នាំនេះ និងចុងក្រោយ បណ្ដាប្រទេសដៃគូធំៗរបស់ប្រទេសអាស៊ីអាគ្នេយ៍ រួមមានសហរដ្ឋអាមេរិក ចិន ឥណ្ឌា កូរ៉េខាងត្បូង និងរុស្ស៊ី ដែលអស់រយៈពេលជាច្រើនទសវត្សរ៍ បានផ្គត់ផ្គង់សម្ភារៈយោធាភាគច្រើនដល់ប្រទេសវៀតណាម។ ក្នុងរយៈពេល ១២ខែចុងក្រោយនេះ វិធីសាស្រ្តគោលនយោបាយការបរទេស និងកិច្ចព្រមព្រៀងការទូតសំខាន់ៗបំផុតរបស់វៀតណាម មានសភាពស្វាហាប់ និងប្រែប្រួលយ៉ាងខ្លាំង។

វៀតណាមបានក្លាយជាមហាអំណាចផលិតកម្មក្នុងតំបន់ ដែលមានតួនាទីយុទ្ធសាស្ត្រកាន់តែខ្លាំងឡើង នៅក្នុងខ្សែច្រវាក់ផ្គត់ផ្គង់ពិភពលោក។ ដើម្បីពង្រឹងជំហរនេះ អគ្គលេខាបក្សកុម្មុយនីស្តវៀតណាម លោក Nguyen Phu Trong បានប្រើរូបភាព ដែលមាន «ឫសរឹងមាំ ដើមរឹង និងមែកដែលអាចបត់បែនបាន» នៃដើមឬស្សី ដើម្បីពិពណ៌នាអំពីវិធីសាស្រ្តគោលនយោបាយការបរទេសរបស់វៀតណាមដែលមាន «មិត្តភ័ក្តិច្រើន សត្រូវតិច»។

ជាមួយចិន កាលពីដើមខែនេះ វៀតណាម និងចិន បានព្រមព្រៀងគ្នាក្នុងការកសាងសហគមន៍មួយជាមួយនឹង «អនាគតរួមគ្នា» ក្នុងអំឡុងពេលដំណើរទស្សនកិច្ចទៅកាន់ទីក្រុងហាណូយរបស់ប្រធានាធិបតីចិន លោក Xi Jinping ដែលជាប្រទេសដំបូងរបស់លោក ទៅកាន់ប្រទេសអាស៊ីនៅឆ្នាំនេះ។ ក្នុងខែកញ្ញា វៀតណាម និងសហរដ្ឋអាមេរិក បានបង្កើនទំនាក់ទំនងឲ្យដល់កម្រិតភាពជាដៃគូយុទ្ធសាស្ត្រគ្រប់ជ្រុងជ្រោយ ដែលជាកម្រិតខ្ពស់បំផុតក្នុងចំណាត់ថ្នាក់របស់វៀតណាម ហើយបានប្រកាសកិច្ចសហប្រតិបត្តិការកាន់តែជិតស្និទ្ធលើឧបករណ៍បន្ទះអេឡិកត្រូនិក និងសារធាតុរ៉ែសំខាន់ៗក្នុងដំណើរទស្សនកិច្ចទៅកាន់ទីក្រុងហាណូយរបស់ប្រធានាធិបតីអាមេរិកលោក Joe Biden។

ច្បាស់ណាស់មហាអំណាចសេដ្ឋកិច្ច ២ផ្សេងទៀត គឺជប៉ុន និងកូរ៉ខាងត្បូង ក៏វៀតណាម បានពង្រឹងទំនាក់ទំនងជាមួយដែរ។ ក្នុងខែវិច្ឆិកា វៀតណាមបានធ្វើប្រសើរឡើងនូវទំនាក់ទំនងឡើងដល់កម្រិតកំពូលជាមួយជប៉ុន អំឡុងដំណើរទស្សនកិច្ចរបស់ប្រធានាធិបតីវៀតណាម លោក Vo Van Thuong ទៅកាន់ទីក្រុងតូក្យូ ដោយបានឯកភាពជំរុញកិច្ចសហប្រតិបត្តិការសន្តិសុខ និងសេដ្ឋកិច្ច។ វៀតណាម បានលើកកម្ពស់ទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយ ក្នុងខែធ្នូ ឆ្នាំ២០២២ ក្នុងអំឡុងដំណើរទស្សនកិច្ចទៅកាន់ទីក្រុងសេអ៊ូលរបស់ប្រធានាធិបតីវៀតណាមលោក Nguyen Xuan Phuc ដែលផ្តោតសំខាន់លើពាណិជ្ជកម្ម ការវិនិយោគ ការពារជាតិ និងសន្តិសុខ៕