ការស្ទង់មតិរបស់ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ (ទី២៨ ខែធ្នូ) នេះ បានបង្ហាញថា សកម្មភាពផលិតកម្មរបស់ប្រទេសចិន ទំនងជាបានធ្លាក់ចុះ ក្នុងរយៈពេល ៣ខែជាប់ៗគ្នា ដោយត្រូវបានវាយតម្លៃតាមរយៈតម្រូវការមិនសូវខ្លាំង សម្រាប់ទំនិញ ជាការវាយតម្លៃមួយ ដែលនឹងជំរុញការអំពាវនាវឲ្យមានគោលនយោបាយបន្ថែមទៀត។

សន្ទស្សន៍អ្នកគ្រប់គ្រងការទិញទំនិញផ្លូវការ (PMI) ទំនងជាស្ថិតនៅកម្រិត ៤៩,៥ ក្នុងខែធ្នូ ធៀបនឹងកម្រិត ៤៩,៤ កាលពីខែមុន។ នេះបើយោងតាមការព្យាករណ៍ជាមធ្យមរបស់អ្នកសេដ្ឋកិច្ច ២៤រូប នៅក្នុងការស្ទង់មតិ ដែលធ្វើឡើង នៅចន្លោះថ្ងៃទី ២២-២៨ ខែធ្នូ។ សញ្ញាសម្គាល់ ៥០ពិន្ទុ ជាចំណុចបែងចែកកំណើន និងការថយចុះ។

សេដ្ឋកិច្ចធំបំផុតទី២ របស់ពិភពលោកនេះ បានធ្លាក់ចុះបន្ទាប់ពីការស្ទុះងើបឡើងវិញក្នុងល្បឿនដ៏យឺត ក្រោយជំងឺរាតត្បាត ដែលត្រូវរារាំងដោយវិបត្តិអចលនទ្រព្យ ហានិភ័យបំណុលរដ្ឋបាលក្នុងតំបន់ និងកំណើនយឺតៗនៃសេដ្ឋកិច្ចពិភពលោក។ ក្នុងប៉ុន្មានខែថ្មីៗនេះ រដ្ឋាភិបាលបានបង្ហាញពីវិធានការជាបន្តបន្ទាប់ ដើម្បីជំរុញកំណើនសេដ្ឋកិច្ច។

ការស្ទង់មតិ បានបង្ហាញថា មានតែអ្នកសេដ្ឋកិច្ច ៣នាក់ប៉ុណ្ណោះ ក្នុងចំណោម ២៤នាក់ ដែលរំពឹងថា នឹងមានការពង្រីកសកម្មភាពរោងចក្រ នៅក្នុងខែធ្នូ ជាមួយនឹងការវាយតម្លសការព្យាករណ៍ខ្ពស់បំផុតក្នុងកម្រិត ៥០,៥៕