ប្រព័ន្ធផ្សព្វផ្សាយរដ្ឋរបស់អ៊ីរ៉ង់ បានរាយការណ៍កាលពីថ្ងៃពុធថា ប្រទេសអ៊ីរ៉ង់ និងរុស្ស៊ី បានបញ្ចប់កិច្ចព្រមព្រៀងមួយ ដើម្បីធ្វើពាណិជ្ជកម្មដោយប្រើរូបិយប័ណ្ណក្នុងស្រុករបស់ពួកគេ ជំនួសឲ្យប្រាក់ដុល្លារអាមេរិក។

កិច្ចព្រមព្រៀងនេះ ត្រូវបានបញ្ចប់ក្នុងអំឡុងពេលកិច្ចប្រជុំរវាងទេសាភិបាលនៃធនាគារកណ្តាលរបស់ប្រទេសទាំងពីរ នៅក្នុងប្រទេសរុស្ស៊ី។

ទាំងអ៊ីរ៉ង់ និងរុស្ស៊ី ត្រូវរងទណ្ឌកម្មរបស់សហរដ្ឋអាមេរិក។

ប្រព័ន្ធផ្សព្វផ្សាយរដ្ឋ បាននិយាយថា៖«ធនាគារ និងប្រតិបត្តិករសេដ្ឋកិច្ចឥឡូវនេះ អាចប្រើប្រាស់ហេដ្ឋារចនាសម្ព័ន្ធ រួមទាំងប្រព័ន្ធអន្តរធនាគារមិនមែនបណ្តាញទូរទាត់សកល SWIFT ដើម្បីដោះដូររូបិយប័ណ្ណក្នុងស្រុក។

សមាជិកនៃសហភាពសេដ្ឋកិច្ចអឺរ៉ុបអាស៊ី (EEU) ដឹកនាំដោយរុស្ស៊ី បានចុះហត្ថលេខាលើកិច្ចព្រមព្រៀងពាណិជ្ជកម្មសេរីពេញលេញ ជាមួយអ៊ីរ៉ង់ កាលពីថ្ងៃទី២៥ ខែធ្នូ។