សេវាសង្គ្រោះបន្ទាន់ បានចាប់ផ្ដើមធ្វើការ ដើម្បីសម្អាតការខូចខាត ដែលបណ្តាលមកពីព្យុះ Gerrit នៅព្រហស្បតិ៍ (ទី២៨ ខែធ្នូ) នេះ បន្ទាប់ពីកម្លាំងខ្យល់ដ៏ខ្លាំង បានបោកបក់លើតំបន់ខ្លះរបស់ចក្រភពអង់គ្លេស។

នៅទីក្រុង Stalybridge ភាគពាយព្យនៃប្រទេសអង់គ្លេស ផ្លូវថ្នល់ត្រូវបានសម្អាត ហើយអ្នកសម្អាតដើមឈើ បានធ្វើការងាររបស់ខ្លួន ដើម្បីយកដើមឈើ ដែលបានដួលរលំលើរថយន្ត និងផ្ទះសម្បែង។ ផ្ទះសម្បែងខ្លះរងការខូចខាតយ៉ាងខ្លាំង ជាពិសេសដំបូលផ្ទះ។

នៅកន្លែងផ្សេងទៀត ព្យុះនេះបាននាំឲ្យមានភ្លៀងធ្លាក់យ៉ាងខ្លាំង និងការរំខានដល់ការធ្វើដំណើរ ជាពិសេស កាលពីថ្ងៃពុធ (ទី២៧ ខែធ្នូ)៕