កងទ័ពបានប្តេជ្ញាចិត្តបន្តថែរក្សាសន្តិភាព និងស្ថិរភាពកម្ពុជាតាមរយៈនយោបាយឈ្នះ ឈ្នះ​ឱ្យ​បាន​យូរ​អង្វែង ជាពិសេសថែរក្សាសុខសន្ដិភាពរបស់ប្រទេសកម្ពុជា គាំទ្ររាជ​រដ្ឋាភិបាល​ដែល​ដឹកនាំ​ដោយ​សម្ដចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា។

ក្នុងខួបលើកទី២៥ឆ្នាំនៃនយោបាយឈ្នះ ឈ្នះ កងទ័ពនៃកងពលតូចលេខ៧០ បាន​បង្ហាញ​ការ​អបអរ​សាទរ ដើម្បីរំលឹកឡើងវិញនូវការលះបង់ និងគំរូវីរៈភាពដ៏អង់អាចក្លាហ៊ាន របស់​សម្តេច​តេជោ ​ហ៊ុន សែន រួមជាមួយ វីរជន និងយុទ្ធជនជាច្រើនរូបទៀត។ ផ្អែក​ទៅ​នឹង​តថភាព​ជាក់​ស្តែង​របស់​នយោបាយ​ឈ្នះ ឈ្នះនេះ កងទ័ព បានប្តេជ្ញាចិត្តយ៉ាងមុតមាំនឹងបន្តថែរក្សាសន្តិភាព និង​ស្ថិរភាព​ប្រទេសដែលផ្តួចផ្តើមដោយសម្តេចតេជោ ហ៊ុន សែន និង​ក្រោម​ការ​ដឹកនាំ​របស់​សម្តេច​ធិបតី ហ៊ុន ម៉ាណែត នាយករដ្ឋមន្រ្តី។

កងទ័ពនៃកងពលតូចលេខ៧០ បានលើកឡើងថា នយោបាយឈ្នះ ឈ្នះ ជា​គន្លឹះ​ស្នូល​ដែល​នាំ​ឲ្យ​កម្ពុជា​បញ្ចប់​សង្គ្រាមផ្ទៃក្នុងទាំងស្រុងរហូតធានាបាននូវសន្តិភាពពិតប្រាកដជូនជាតិ និង​ប្រជាពលរដ្ឋ​។

គួរបញ្ជាក់ថា តាមរយៈនយោបាយឈ្នះ ឈ្នះ របស់សម្តេចអគ្គមហាសេនាបតីតេជោ ហ៊ុន សែន មគ្គុទេសឯក និងជាស្ថាបនិកបិតាសន្តិភាព បានធ្វើឱ្យកម្ពុជាកសាងនូវសមិទ្ធផលលើគ្រប់វិស័យ ដោយ​ការដាក់ចេញនូវយុទ្ធសាស្រ្តគន្លឹះសំខាន់ៗ ទើបធ្វើ​ឲ្យ​សង្គម​ជាតិ​មាន​ការ​ផ្លាស់​ប្តូរ​ពីម​ទ៊ួយ​ដំណាក់​កាល​ទៅមួយដំណាក់កាលហើយជីវភាពប្រជាពលរដ្ឋកាន់តែប្រសើរផងដែរ៕ អត្ថបទ៖ សេក ឧត្តម