បន្ទាប់ពីភ្លៀងធ្លាក់ខ្លាំងអស់ជាច្រើនសប្តាហ៍ ស្ថានភាពទឹកជំនន់នៅតំបន់ជាច្រើននៃប្រទេសអាល្លឺម៉ង់ នៅតែធ្ងន់ធ្ងររហូតដល់ថ្ងៃមុនចូលឆ្នាំសកល។ ស្រុកជាច្រើនបានប្រកាសដំណាក់កាលបឋមនៃការប្រកាសអាសន្នគ្រោះមហន្តរាយ។

ទីក្រុង និងខេត្តជាច្រើននៅតាមដងទន្លេ អ៊ែលបេ (Elbe) និងទន្លេ វ៉េសើ (Weser) នៅភាគខាងកើត និងភាគខាងជើងប្រទេសអាល្លឺម៉ង់ នៅតែបន្តរងផលប៉ះពាល់ដោយទឹកឡើងខ្ពស់ និងទឹកជំនន់។

បន្ទាប់ពីទំនប់ទឹកមួយបានផ្ទុះឡើងនៅភូមិ លីលៀនថាល (Lilienthal) ក្បែរទីក្រុង ប្រេមេន (Bremen) កាលពីថ្ងៃពុធ អ្នកស្រុកជាច្រើនត្រូវជម្លៀសចេញ ហើយមានការភ័យខ្លាចនៃការបរាជ័យទំនប់ទឹកបន្ថែមទៀតនៅក្នុងទីក្រុងក្បែរនោះ។

នៅតំបន់ទឹកជំនន់មួយចំនួន ការងារសង្គ្រោះកំពុងត្រូវបានរារាំងដោយសារមានជម្លោះក្នុងចំណោមអ្នករងផលប៉ះពាល់ ហើយនៅកន្លែងផ្សេងទៀត វិធានការបង្ការប្រឆាំងនឹងគ្រោះមហន្តរាយទឹកជំនន់ទទួលបានជោគជ័យ។

យោតាមអ្នកឧតុនិយម ម៉ាសែល ស្កីដ (Marcel Schmid) មកពីសេវាកម្មអាកាសធាតុអាល្លឺម៉ង់បានប្រាប់ទីភ្នាក់ងារសារព័ត៌មាន ឌីផា (dpa) របស់ប្រទេសនេះថា ថ្វីត្បិតតែមិនមានភ្លៀងធ្លាក់ច្រើនត្រូវបានរពឺងទុកនៅប៉ុន្មានថ្ងៃខាងមុខ ដូចប៉ុន្មានក្នុងពេលថ្ងៃបុណ្យណូអែលក៏ដោយ ប៉ុន្តែ «រាល់ទឹកភ្លៀងគ្រប់ដំណក់គែចាត់ទុកថាច្រើនណាស់» សម្រាប់តំបន់ដែលរងគ្រោះដោយទឹកជំនន់រួចទៅហើយនោះ៕